.

  НАВIНЫ

Спартакіяда «Прафсаюз. Сям'я. Здароўе» адбылася ў БарДУ

Спартакіяда «Прафсаюз. Сям'я. Здароўе» адбылася ў Баранавічах у рамках правядзення традыцыйнай выставы-кірмашу «Здароўе».

15 мая на базе БарДУ спаборніцтва сабрала актыўных і спартыўных работнікаў арганізацый горада. У спартакіядзе ўдзельнічалі каманды ад 10 арганізацый.

У складзе кожнай каманды - трыа: бацькі і іх дзіця. Яны ўступілі ў бітву за перамогу ў розных эстафетах і конкурсах. Каманда ад пярвічнай прафсаюзнай арганізацыі супрацоўнікаў БарДУ (сям'я Атоўка, мама Атоўка Святлана Мікалаеўна, педагог сацыяльны) заняла ганаровае 3-е месца. Лепшых узнагародзілі памятнымі і грашовымі прызамі за кошт сродкаў прафсаюзнай арганізацыі.

Адказны за дакладнасць і карэктнасць прадстаўленай інфармацыі старшыня пярвічнай прафсаюзнай арганізацыі супрацоўнікаў Жывула Людміла Уладзіміраўна, тэлефон   66 53 74

Спартакіяда «Прафсаюз. Сям'я. Здароўе» адбылася ў БарДУ Спартакіяда «Прафсаюз. Сям'я. Здароўе» адбылася ў БарДУ Спартакіяда «Прафсаюз. Сям'я. Здароўе» адбылася ў БарДУ Спартакіяда «Прафсаюз. Сям'я. Здароўе» адбылася ў БарДУ

2019-05-22

Вечная памяць героям

9 мая 2019 года пярвічная прафсаюзная арганізацыя супрацоўнікаў БарДУ прыняла актыўны ўдзел ва ўрачыстым адкрыцці памятнай дошкі Васілю Лазараву - Герою Савецкага Саюза, што вызваляў г.Баранавічы.

Ветэран Вялікай Айчыннай вайны, Герой Савецкага Саюза, гвардыі маёр Васіль Раманавіч Лазараў прайшоў у гады вайны сапраўдныя выпрабаванні, у тым ліку ўдзельнічаў у вызваленні горада Баранавічы.

15 мая 1946 года Васіль Лазараў ўдастоены звання Героя Савецкага Саюза. Узнагароджаны таксама ордэнам Леніна і медалём «Залатая Зорка», у будучыні - трыма ордэнамі Чырвонага Сцяга, двума ордэнамі Айчыннай вайны 1-й ступені, ордэнам Чырвонай Зоркі і іншыміўзнагародамі.

Вечная памяць героям !!!

Адказны за дакладнасць і карэктнасць прадстаўленай інфармацыі старшыня пярвічнай прафсаюзнай арганізацыі супрацоўнікаў Жывула Людміла Уладзіміраўна, тэлефон   66 53 74

Вечная памяць героям Вечная памяць героям

2019-05-16

Акцыя «Дзякуй за працу!»

Пярвічная прафсаюзная арганізацыя супрацоўнікаў установы адукацыі «Баранавіцкі дзяржаўны ўніверсітэт» прыняла актыўны ўдзел у мерапрыемствах, прымеркаваных да Свята працы, да 115-годдзя прафсаюзнага руху Беларусі:

  • у рамках правядзення акцыі «Дзякуй за працу!», прымеркаванай да Свята працы і да 115-годдзя прафсаюзнага руху Беларусі, накіраваны ў адрас пенсіянераў, ветэранаў працы і прафсаюзнага руху 130 віншавальных паштовак;
  • прафкам супрацоўнікаў БарДУ прыняў удзел ва ўрачыстых гарадскіх мерапрыемствах, прысвечаных Святу працы - 1 Мая, 115-годдзю прафсаюзнага руху Беларусі, якія праходзілі ў гарадскім доме культуры.

Адказны за дакладнасць і карэктнасць прадстаўленай інфармацыі старшыня першаснай прафсаюзнай арганізацыі супрацоўнікаў Жывула Людміла Уладзіміраўна, тэлефон   66 53 74

Акцыя «Дзякуй за працу!» Акцыя «Дзякуй за працу!» Акцыя «Дзякуй за працу!»

2019-05-16

Кастрычнік багаты на святы

Па традыцыі пошта прафсаюза супрацоўнікаў БарДУ ў кастрычніку багатая падзякамі за правядзенне святаў - Дня пажылога чалавека, Дня настаўніка, Дня маці.

У пачатку кастрычніка ў БарДУ па запрашэнні пярвічнай прафсаюзнай арганізацыі супрацоўнікаў установы адукацыі «Баранавіцкі дзяржаўны ўніверсітэт» і кіраўніка лабараторыі музыкі Аўдзей Алены Мікалаеўны адбыўся канцэрт народнай артысткі Беларусі Наталлі Гайды.

У праграме пад назвай «Усё, што было ...» прагучалі творы з рэпертуару Клаўдзіі Шульжэнка і Ізабелы Юр'евай, кожнае з якіх - сапраўдны міні-спектакль, падначалены толькі тонкай спявачцы і праўдзівай акторцы. А старадаўнія рамансы і папулярныя танга 30-х гадоў мінулага стагоддзя зрабілі гэты канцэрт унікальным і непаўторным!

У сярэдзіне кастрычніка пярвічная прафсаюзная арганізацыя супрацоўнікаў установы адукацыі «Баранавіцкі дзяржаўны ўніверсітэт» арганізавала наведванне супрацоўнікамі ўніверсітэта музычнай камедыі Брэсцкага акадэмічнага тэатра драмы «Жаніх на дваіх» па матывах п'есы Марка Крапіўніцкага «У дурнях засталіся» ў пастаноўцы Заслужанага дзеяча мастацтваў, мастацкага кіраўніка БАТД Аляксандра Козака. Камедыя «Жаніх на дваіх» - феерычнае дзеянне, поўнае кур'ёзных сітуацый, песень і заліхвацкіх танцаў! Зала рагатала, пляскала і адстуквала абцасамі ў такт песень заліхвацкай славянскай душы, якая на ўсю моц вытанцоўвала на сцэне.

Для ветэранаў была арганізавана экскурсія ў Лаўрышаўскі Свята-Елісееўскі мужчынскі манастыр з наведваннем в. Літоўка і крыніцы жывой і мёртвай вады.

Супрацоўнікі ўніверсітэта, ветэраны ад душы дзякуюць пярвічнай прафсаюзнай арганізацыі супрацоўнікаў установы адукацыі «Баранавіцкі дзяржаўны ўніверсітэт» за арганізацыю святочных мерапрыемстваў.

Кастрычнік багаты на святы

2018-10-30

Экскурсія членаў прафсаюза ў «Дудуткі»

20 мая 2017 года Музейны комплекс старажытных народных рамёслаў і тэхналогій  «Дудутки» расчыніў свае дзверы для членаў прафсаюза Баранавіцкага дзяржаўнага ўніверсітэта.

У час экскурсіі можна было судакрануцца з культурай и сакрэтамі старажытных рамёстваў беларускай зямлі. 

Асаблівасць музея — практычна любы экспанат можна патрымаць у руках і нават купіць. Майстар няспынна папаўняе калекцыю прама ў цябе на вачах 

У час экскурсіі нас частавалі самагонам, хлебам асабістай вытворчасці, традыцыйнымі сырамі (таксама гатуюцца ў музеі), дамашнім маслам і гарбатай, квашанай капустай і салам.

«Дудуткі» –выдатнае месца для адрачынку і азнаямлення з з нацыянальнымі традыцыямі! Тут вам і элементы сельскага быту, і вырабы рамеснікаў, і прадстаўнікі флоры і фаўны. Сама тэрыторыя вельмі прыгожая і маляўнічая.

Пашанцавала з надвор'ем і экскурсаводамі. Столькі бадзёрасці, гумару, светлых усмешак пры цікавай інфармацыі даўно не бачылі. 

Экскурсія членаў прафсаюза  ў «Дудуткі»

2017-05-23

Сход працоўнага калектыву

9 сакавіка 2017 года ў канцэртна-актавай зале БарДУ адбыўся сход працоўнага калектыву. аб эфектыўнасці дзейнасці ўстановы адукацыі «Баранавіцкі дзяржаўны ўніверсітэт» у 2016 годзе і задачах на 2017 год далажыў прысутным рэктар універсітэта В.І. Качурка. 

старшыня прафкама супрацоўнікаў БарДУ І.М. Мякіш зрабіла справаздачу аб рабоце прафсаюзнай арганізацыі ў 2016 годзе і вызначыла асноўныя напрамкі работы прафкама па павышэнні эфектыўнасці дзейнасці ў 2017 годзе.

Сход працоўнага калектыву Сход працоўнага калектыву

2017-03-14

Адкрыццё спартакіяды «ЗДАРОЎЕ»

Адкрыццё круглагадовай спартакіяды «ЗДАРОЎЕ» сярод работнікаў Баранавіцкага дзяржаўнага ўніверсітэта адбылося 4 лютага.

На стадыёне ўніверсітэта па вул. Паркавай, 62, стартаваў першы этап спартакіяады - лыжныя гонкі.

З прывітальным словам да ўдзельнікаў і заўзятараў звярнуліся рэктар універсітэта В.І.Качурка і старшыня прафкама супрацоўнікаў І.М. Мякіш. Яны пажадалі ўдзельнікам свята спартыўнага запалу, лёгкага старту, выдатнага фінішу і пазітыўнага настрою.

У спаборніцтвах па лыжных гонках прынялі ўдзел выкладчыкі і супрацоўнікі ўніверсітэта, члены іх сем'яў і дзеці.

Праграма спаборніцтваў ўключала ў сябе:

  • сустрэчная эстафета;
  • асабістае першынство (мужчыны 800м, жанчыны 400м);
  • асабістае першынство сярод дзяцей (100м).

Прызавыя месцы размеркаваліся наступным чынам. 

Вынікі каманднай эстафеты:

1-е месца

Факультэт педагогікі і псіхалогіі

2-е месца

Адміністрацыйны корпус

3-е месца

Факультэт эканомікі і права

4-е месца

Iнжынерны факультэт

5-е месца

Факультэт славянскіх і германскіх моў

Асабістае першынство сярод мужчын:

1-е месца

Сафонаў Уладзімір Аляксандравіч

2-е месца

Крыштап Уладзімір Леонавіч

3-е месца

Атоўка Мікалай Пятровіч

Асабістае першынство сярод жанчын:

1-е месца

Бізюкова Таццяна Цімафееўна

2-е месца

Януш Людміла Аляксандраўна

3-е месца

Шчарбацэвіч Людміла Пятроўна

Пераможцы спаборніцтваў у камандным і асабістым першынстве былі адзначаны дыпломамі спартыўнага клуба ўніверсітэта і атрымалі салодкія прызы ад прафсаюзнай арганізацыі.

Адкрыццё спартакіяды «ЗДАРОЎЕ» Адкрыццё спартакіяды «ЗДАРОЎЕ» Адкрыццё спартакіяды «ЗДАРОЎЕ»

2017-02-08

Сустрэча з ветэранамі

У выставачнай зале вучэбнага корпуса па вул.Паркавай у студзені рэктарат, прафсаюзная і ветэранская арганізацыі правялі прыём ветэранаў універсітэта. Сустрэча ў пачатку 2017 года звязана не толькі з навагоднімі святамі, але і з 30-годдзем дзейнасці ветэранскіх арганізацый у нашай краіне і горадзе.

Сустрэча з ветэранамі Сустрэча з ветэранамі

2017-01-25

Прафсаюзныя ўзнагароды ўручаны рэктару ўніверсітэта В.І. Качурку і калектыву аддзела культуры і творчасці БарДУ

У рамках тыдня прафсаюзнай культуры ў гарадскім Доме культуры адбыўся святочны канцэрт «Народныя таленты табе, Беларусь», у якім прынялі ўдзел лепшыя прафесійныя і самадзейныя баранавіцкія артысты, фіналісты гарадскога этапу прафсаюзнага конкурсу творчасці працоўных калектываў «Новыя імёны Беларусі», у тым ліку і народны аматарскі моладзевы тэатр мініяцюр БарДУ «Сафіт».

Рэктар БарДУ прафесар В.І. Качурка быў узнагароджаны граматай гарадскога аб'яднання прафсаюзаў за падтрымку і развіццё самадзейнай мастацкай творчасці. 

Таксама граматай за плённую творчую дзейнасць, высокі ўзровень падрыхтоўкі і правядзення мерапрыемстваў, актыўны ўдзел у грамадскім жыцці г. Баранавічы ўзнагароджаны калектыў аддзела культуры і творчасці БарДУ (начальнік аддзела А.В. Грэзе).

Моладзевы тэатр мініяцюр «Сафіт» узнагароджаны дыпломам за ўдзел у «Тыдні прафсаюзнай культуры», плённую творчую дзейнасць, прапаганду народных традыцый, актыўны ўдзел у грамадскім жыцці г. Баранавічы (кіраўнік А. Грэзе, памочнік рэжысёра Я. Гурын).

Прафсаюзныя ўзнагароды ўручаны рэктару ўніверсітэта В.І. Качурку і калектыву аддзела культуры і творчасці БарДУ

2016-11-29

Ушанаванне шматдзетных маці

У сярэдзіне кастрычніка ў Рэспубліцы Беларусь адзначаюць свята маці.

У гэты дзень адзначаецца таксама праваслаўнае свята — Пакроў Прасвятой Багародзіцы.

Ва ўніверсітэце ў гэты святочны дзень арганізавана сустрэча рэктара В.І. Качуркі са шматдзетнымі маці, якія працуюць у БарДУ. У сваім звароце да прысутных рэктар падкрэсліў, што на працягу ўсяго жыцця ў кожнага чалавека самыя цёплыя пачуцці, светлыя і незабыўныя ўспаміны асацыююцца з вобразам маці. Яна дае першыя ўрокі маральнасці, духоўнасці, дабраты і цярпімасці. 

З прывітальным словам да маці звярнулася старшыня прафкама супрацоўнікаў І.М. Мякіш, якая пажадала шматдзетным маці ўніверсітэта міру і дабра, моцнага здароўя і сямейнага дабрабыту, маладосці і абаяння, аптымістычнага настрою і пазітыўных эмоцый.

Павіншаваць шматдзетных маці прыйшлі і студэнты ўніверсітэта, якія пад кіраўніцтвам супрацоўнікаў аддзела культуры і творчасціў БарДУ падрыхтавалі святочную канцэртную праграму.

Сустрэча прайшла ў цёплай і дружалюбнай атмасферы.

Ушанаванне шматдзетных маці

2016-10-20


1 2 3 4

Адрас:
вул. Войкава, 21, 225404 г.Баранавічы, Брэсцкая вобл.
Старшыня пярвічнай
прафсаюзнай арганізацыі
супрацоўнікаў:
Жывула Людміла Уладзіміраўна
Тэлефон:
(0163) 66 53 74 (доп. 110)
Е- mail: