Інтэрнат Убарэвіча, 18

Я ганаруся тым, што я ― беларус

Наша Радзіма — Рэспубліка Беларусь, і мы з’яўляемся яе грамадзянамі. Кожны грамадзянін павінен знаць гісторыю сваёй краіны, яе мову,цікавіцца прыродай і славутымі мясцінамі роднага краю.
Менавіта з гэтай мэтай ў інтэрнаце па вул. Убарэвіча, 18, прайшло мерапрыемства на тэму: «Мы — беларусы… Мы народ які?», дзе кожны ўдзельнік мог выказацца і задаць пытанні па дадзенай тэме.
Для абмеркавання былі прапанаваны пытанні пра архітэктуру, кінематограф, літаратуру і гісторыю Беларусі.

2014-01-08

У дыялогу з жыццём важныя не яго пытанне, а наш адказ

Што выбраць? Чаму аддаць перавагу? Што лепш? Усе гэтыя пытанні ўзнікаюць у нашым жыцці ўвесь час.
Каб дапамагчы ў гэтым нялёгкім выбары, у інтэрнаце па вул. Убарэвіча, 18, прайшла сустрэча з урачом-нарколагам УЗ «Баранавіцкі міжраённы наркалагічны дыспансер» І.А. Махнач, якая адказала на ўсе пытанні, якія хвалююць студэнтаў.
Такія сустрэчы як нельга лепш спрыяюць усебаковаму развіццю асобы.

2013-12-18

Дзень абароны правоў чалавека

10 снежня ў інтэрнаце па вул. Убарэвіча, 18, прайшло мерапрыемства, прысвечанае прыняццю Дэкларацыі правоў чалавека. На мерапрыемстве прысутнічалі студэнты розных спецыяльнасцяў з розных факультэтаў. Абмяркоўваліся правы і свабоды чалвека. Кожны з прысутных меў магчымасць выказаць сваю думку, задаць цікавыя для яго пытанні і зрабіць адпаведныя вывады.

2013-12-18

Здолей сказаць «Не!»

Здолей сказаць «Не!» – гутарка-дыялог на гэтую тэму адбылася 3 снежня у інтэрнаце па вул. Убарэвіча 18. Студэнты, якія прымалі ўдзел у мерапрыемстве, выказалі свае меркаванні з нагоды прагледжанных відэаролікаў. Таксама была прапанавана іх увазе статыстыка пра людзей, якія маюць шкодныя звычкі. Арганізатарамі мерапрыемства была інцэніравана сітуацыя пра шкоду курэння. Гутарка, якая адбылася, дапамагла пераканацца ў правільнасці выбару і дала стымул для перагляду сваіх поглядаў. Кожны ўдзельнік папоўніў свае веды пра хваробы, якія могуць узнікнуць у людзей са шкоднымі звычкамі пры ўжыванні алкаголю, наркотыкаў.

2013-12-04

«Чалавек для грошай ці грошы для чалавека…»

У сучасным свеце грошы ўсе больш авалодваюць людзьмі, іх розумам, самастойнасцю, і гэтая з’ява мае адмоўны ўплыў як на чалавека асобна, так і на грамадства ўвогуле.

Гэтай праблеме і была прысвечана дыскусія, у якой жыхары інтэрната па вул. Убарэвіча, 18, разам з прававым сектарам студэнцкага савета спрабавалі высветліць, наколькі міфічным з’яўляецца ўсеўладдзе грошай у жыцці чалавека.

У час мерапрыемства ўдзельнікі вызначылі, што ўяўляюць грошы для кожнага з іх, выказалі свае адносіны да праблемы, пасля прагляду відэароліка аднеслі сябе да адной з катэгорый распарадчыкаў сваіх даходаў. Былі агучаны розныя меркаванні ўдзельнікаў і выказванні знакамітых людзей.

Мяркуем, што кожны, хто прыняў удзел у дыскусіі, задумаўся аб тым, па якім прынцыпе ён жыве, ― чалавек для грошай ці грошы для чалавека.

2013-12-02

Студэнт! Гучыць ганарова!

Лічыцца, што жыццё студэнта складаецца толькі з вучобы, залікаў і іспытаў, але, паверце, гэта зусім не так. Студэнцкае жыццё вельмі насычанае і разнастайнае.
17 лістапада адзначаецца Міжнародны дзень студэнта. Гэта падзея не засталася без увагі студэнцкага савета інтэрната па вул. Убарэвіча, 18. Менавіта для студэнтаў культурна-творчым сектарам было падрыхтавана забаўляльнае мерапрыемства. Усіх прысутных чакалі песні, танцы і цікавыя конкурсы.
Мерапрыемства прайшло ў атмасферы радасці і весялосці.

2013-11-20

У нашай хаце пасяліўся выдатны сусед

У інтэрнаце па вул. Убарэвіча, 18, прайшло традыцыйнае мерапрыемства «Даведайся, з кім ты жывеш». Усе прысутныя атрымалі небывалы прыліў станоўчых эмоцый, пазітыву і гарэзнай весялосці. Ганаровым госцем гэтага вечара быў начальнік аддзела выхаваўчай работы з моладдзю Павел Іванавіч Папко. Госці атрымлівалі асалоду ад танцаў, чароўных песень, ашаламляльнай сцэнкі і, вядома ж, гарэзлівых конкурсаў, у якіх усе з велізарным задавальненнем бралі ўдзел. Мерапрыемства прынесла шмат добрых, пазітыўных уражанняў, мора ўсмешак.

2013-10-30

Прававая асвета непаўналетніх – актуальная праблема грамадства

У інтэрнаце па адрасе вул. Убарэвіча, 18, сацыяльным педагогам універсітэта Анжэлай Тадэвушаўнай Дробат была арганізавана сустрэча студэнтаў з участковым інспектарам па справах непаўналетніх Баранавіцкага ГАУС Кацярынай Віктараўнай Стахейка. Тэма сустрэчы — «Прафілактыка правапарушэнняў і абарона маёмасных правоў непаўналетніх». Студэнты з цікавасцю слухалі інспектара, актыўна цікавіліся прававымі аспектамі супрацьпраўных паводзін непаўналетніх і атрымлівалі кампетэнтныя адказы, як патрэбна паводзіць сябе ў пэўнай сітуацыі.

2013-10-23

Настаўнікі – героі нашых дзён

Настаўнік! Вечна маладое слова!
Заўсёды  і вечна яно будзе нова!
Пакуль зямля кружыцца ў Сусвеце,
Прафесія настаўніка лепшая на свеце!

Менавіта настаўнікі адкрываюць у нас таленты і здольнасці, дапамагаюць вызначыцца з выбарам жыццёвага шляху, даюць парады, якія мы ўспамінаем на працягу ўсяго жыцця. Цяжка ўявіць, што было, калі б не было настаўнікаў. Таму кожны год у розных краінах свету адзначаюць Дзень настаўніка. У Беларусі ён святкуецца ў першую нядзелю кастрычніка.
Дню настаўніка  было прысвечана святочнае ток-шоў, якое прайшло трэцяга кастрычніка ў інтэрнаце па вул. Убарэвіча, 18. Гасцямі мерапрыемства былі малады выкладчык пачатковых класаў Рэкець Ганна Віктараўна і выкладчык БарДУ Фянчук Алег Мікалаевіч.
Студэнцкі актыў – Уласавец Кацярына, Хахлун Дар'я, Шчарбук Анастасія, Гадалаў Павел, Карпіевіч Андрэй, Рудаманенка Ігар, Лебядзевіч Ірына, Букіна Марыя – падрыхтаваў у падарунак гасцям і студэнтам гумарыстычныя сцэнкі, душэўныя песні і вершы.

2013-10-08

«Футбол – гэта жыццё, а аматары – частка гэтага жыцця!»

На базе інтэрната па вул. Убарэвіча 18 прайшлі сяброўскія спаборніцтвы паміж студэнтамі Туркменістана і Беларусі. Шмат аматараў прыйшло падтрымаць ігракоў. Гэта была займальная і цікавая гульня, але перамагла дружба. Задавальненне ад прагляду матча атрымалі ўсе прысутныя. Пасля гульні ўсе дзяліліся сваімі ўражаннямі, а футбалісты рабілі сумесныя фотаздымкi.

2013-09-30