Інтэрнат Убарэвіча, 18

Адкрытая размова «Наркаманія – знак бяды»

У інтэрнаце па вул.Убарэвіча, 18, адбылася адкрытая гутарка «Наркаманія – знак бяды», прымеркаваная да Міжнароднага дня барацьбы з наркаманіяй. Студэнтамі была прадстаўлена інфармацыя аб наркатычных сродках, якія аказваюць згубнае дзеянне на цэнтральную нервовую сістэму, пра прычыны, якія прыводзяць да ўжывання наркотыкаў, пра этапы наркатычнай залежнасці, пра прычыны, па якіх варта адмовіцца ад іх.

Наркаманія з’яўляецца адной з найбольш надзённых праблем грамадства. Злоўжывання псіхаактыўнымі рэчывамі прыводзіць да цяжкіх наступстваў. 

У ходзе мерапрыемства студэнты актыўна ўдзельнічалі ў абмеркаванні актуальнай праблемы сучаснай моладзі.

2018-03-03

Рамантычнае віншаванне «Усё пачынаецца з кахання»

У гонар выдатнага свята Дня ўсіх закаханых у інтэрнаце па вул.Убарэвіча, 18, працавала рамантычная пошта. У прызначаны дзень «паштальёны» разнеслі пасланні адрасатам.

У гэты дзень жыхары інтэрната пагрузіліся ў атмасферу любові і мар. Хтосьці быў побач са сваёй другой палавінкай і марыў пра тое, каб так было заўсёды, нехта марыў знайсці свайго «Валянціна», а хтосьці проста радаваўся таму, што ў нас ёсць такі дзень, Дзень святога Валянціна, дзень рамантычных мар і надзеяў, дзень любові і абдымкаў.

2018-02-27

Да Дня абаронцы Айчыны

У вясёлай, дружнай, цёплай і хатняй абстаноўцы прайшло віншаванне юнакоў з 23 Лютага ў інтэрнаце па вул.Убарэвіча, 18.

23 лютага — гэта дзень адважных і моцных духам мужчын, якім ёсць каго і што абараняць: сваю Айчыну, сваю справу, свой дом, сваіх родных і блізкіх, сваю будучыню. Мір, спакой і стабільнасць — самае каштоўнае, што ёсць у нашым жыцці, а таму не выпадкова Дзень абаронцы Айчыны мае багатую і слаўную гісторыю. Як бы не называлася гэтае свята, яно заўсёды з'яўляецца сімвалам мужнасці, самаахвярнасці, годнасці і гонару.

На працягу ўсяго вечара гучалі вершы і пажаданні юнакам. Задаволеныя ўвагай дзяўчат, юнакі прымалі ўдзел ва ўсіх прапанаваных вядучымі конкурсах, дэманструючы свой інтэлект, знаходлівасць і талент.

2018-02-27

Удзел у выбарах – грамадзянскі абавязак

Студэнты, якія жывуць у інтэрнаце па вул.Убарэвіча, 18, актыўна бяруць удзел у выбарах у мясцовыя Саветы дэпутатаў дваццаць восьмага склікання, якія з'яўляюцца важнай палітычнай падзеяй нашай краіны.

Удзел у такой палітычнай падзеі з'яўляецца абавязкам кожнага грамадзяніна.

2018-02-20

Інфармацыйная гадзіна «Галасуем разам за будучыню нашай краіны»

У інтэрнаце па вул. Убарэвіча, 18, праведзена інфармацыйная гадзіна, прымеркаваная да выбараў у мясцовыя Саветы дэпутатаў дваццаць восьмага склікання. Мэта мерапрыемства –праінфармаваць студэнтаў пра неабходнасць удзелу ў выбарах і важнасці грамадзянскага волевыяўлення.

Выбары ў мясцовыя Саветы дэпутатаў з'яўляюцца важнай палітычнай падзеяй нашай краіны. Таму ўдзел у дадзеным мерапрыемстве з'яўляецца абавязкам кожнага грамадзяніна.

2018-02-12

Выніковы сход студэнцкага савета

27 снежня адбыўся выніковы навагодні сход студсавета інтэрната па вул.Убарэвіча, 18. У душэўнай і дружнай атмасферы былі падведзены вынікі работы студэнцкага савета за першы семестр 2017/2018 навучальнага года. У канцы сходу ўсе члены студсавета былі заахвочаны салодкімі падарункамі.

2018-01-03

Навагодняя праграма «Дыска-завіруха»

Студэнты, якія пражываюць у інтэрнаце па вул.Убарэвіча, 18, адзначылі надыходзячае свята навагодняй праграмай «Дыска-завіруха». «Падзарадзіцца» чароўным настроем перад Новым годам студэнтам дапамог актыў інтэрната.

У памяці ўдзельнікаў мерапрыемства гэты цудоўны навагодні вечар застанецца надоўга, бо на ім былі лірычныя прыгожыя песні, вясёлыя гульні, запальныя танцы.

Душэўныя словы-віншаванні з надыходзячым Новым годам і паспяховай здачай сесіі прыйшліся па душы кожнаму студэнту.

2017-12-26

«Экалогія. Чалавек і прырода»

Студэнцкім актывам інтэрната па вул.Убарэвіча, 18, было праведзена мерапрыемства «Экалогія. Чалавек і прырода».

Прысутным студэнтам расказалі аб экалагічнай сітуацыі ў Беларусі і ў свеце ў цэлым, аб утылізацыі смецця, пра тое, што кожны з нас можа зрабіць на карысць навакольнага свету.

Вечар атрымаўся цікавым і патрэбным. Досыць важным у падобных мерапрыемствах з'яўляецца тое, што моладзь далучаецца да абмеркавання такой значнай для ўсёй планеты тэмы, як ахова навакольнага асяроддзя.

2017-12-22

«Правы чалавека: гендэрны аспект»

У інтэрнаце па вул. Убарэвіча, 18, прайшло мерапрыемства «Правы чалавека: гендэрны аспект», прымеркаванае да Сусветнага дня правоў чалавека, які адзначаецца 10 снежня. Мэта — павышэнне ўзроўню прававой культуры і прававых ведаў у студэнтаў.

У займальнай форме ўвага студэнтаў была прыцягнута да захавання правоў чалавека. У ходзе гульні навучэнцам нагадалі не толькі аб правах, але і аб тым, што не бывае правоў без абавязкаў.

2017-12-14

«Мы выбіраем жыццё!»

У інтэрнаце па вул.Убарэвіча, 18, студэнцкім саветам было праведзена мерапрыемства «Мы выбіраем жыццё!», прымеркаванае да Сусветнага дня барацьбы са СНІДам.

Мэта вечара: інфармаванне студэнтаў аб спосабах заражэння і мерах прафілактыкі; прапаганда здаровага ладу жыцця, бяспечных і адказных паводзінаў сярод моладзі; фарміраванне талерантных адносін да людзей, якія жывуць з ВІЧ-інфекцыяй.

Актывам інтэрната была падрыхтавана агульная статыстычная інфармацыя з прэзентацыяй па праблеме ВІЧ/СНІД, праведзена міні-віктарына «Што ты ведаеш пра СНІД?». Таксама былi прадэманстраваны відэафільмы па гэтай тэме. У канцы мерапрыемства было праведзена абмеркаванне, падчас якога студэнты дзяліліся сваімі ўражаннямі.

2017-12-01