Інтэрнат Убарэвіча, 18

Славутыя людзі Беларусі

У інтэрнаце па вул. Убарэвіча, 18, студэнцкім актывам было праведзена мерапрыемства «Славутыя людзі Беларусі». Увазе студэнтаў была прадстаўлена інфармацыя аб знакамітых суайчынніках, якія пакінулі свой след у гісторы краіны. Беларуская зямля падарыла свету шмат выдатных людзей - ад святых сярэднявечча да лаўрэатаў Нобелеўскай прэміі і алімпійскіх чэмпіёнаў сучаснасці.

2017-11-30

«Людзі. Грошы. Жыццё»

Студэнцкім актывам інтэрната па вул. Убарэвіча, 18, было праведзена мерапрыемства «Людзі. Грошы. Жыццё». У ходзе вечара вядучыя пазнаёмілі прысутных з прычынамі ўзнікнення, формамі і функцыямі грошай; абмеркавалі ролю грошай у сучасным свеце.

Некаторыя людзі думаюць, што шчасце - гэта шмат мець грошай. Але грошы - гэта толькі сродак, каб набыць штосьці. За грошы шчасце не купіш, не купіш і сяброў. Не грошы павінны кіраваць чалавекам, а чалавек павінен навучыцца быць будаўніком свайго жыцця.

2017-11-27

Дзень студэнта

У інтэрнаце па вул.Убарэвіча, 18, студэнцкім актывам было арганізавана мерапрыемства, прымеркаванае да Дня студэнта.

Студэнцкая пара — асаблівы і непаўторны час у жыцці кожнага чалавека. Таму студэнцкія гады запамінаюцца назаўжды, а каб ўспаміны былі яркімі і ўражлівымі, студэнты і навучэнцы прымаюць удзел ва ўсіх святах і забаўках.

На працягу ўсяго вечара ў зале гучала музыка, выконваліся песні пад гітару, усе жартавалі, смяяліся, актыўна прымалі ўдзел у конкурсах для гледачоў. Атрымалася сапраўднае студэнцкае свята!

2017-11-20

Акцыя «Кідай курыць!»

Студэнцкім актывам інтэрната па вул. Убарэвіча, 18, была праведзена акцыя, прысвечаная Сусветнаму дню адмовы ад курэння «Кідай курыць!». Адмовіцца ад цыгарэты і такім чынам зрабіць першы крок на шляху да здаровага ладу жыцця – такую мэту ставілі перад сабой арганізатары мерапрыемства. У акцыі ўдзельнічала вялікая колькасць студэнтаў. Валанцёры пыталіся ў студэнтаў, якія праходзілі міма, як яны ставяцца да курэння і ці кураць яны наогул. Затым тым, хто курыць (іх аказалася вельмі мала), прапаноўвалі абмяняць сваю цыгарэту на цукерку і ўручалі памяткі «Як кінуць курыць».

Сусветны дзень некурэння — гэта цудоўная магчымасць звярнуць увагу студэнтаў на дадзеную праблему, прадоўжыць фарміраванне ў студэнцкім асяроддзі адмоўных адносін да курэння і недапушчэння курэння ў грамадскіх месцах.

2017-11-15

Месяц па добраўпарадкаванні

Студэнты, якія пражываюць у інтэрнаце па вул. Убарэвіча, 18, прынялі актыўны ўдзел у суботніку па добраўпарадкаванні. Кожны ўдзельнік унёс свой значны ўклад у навядзенне парадку на тэрыторыі каля інтэрната. Студэнты дружна і зладжана зграбалі лістоту і прыбіралі смецце.

Мноства ўсмешак на тварах, добры настрой, чысціня і парадак - вось што засталося пасля працоўнага дэсанта.

2017-11-10

Тэматычная гадзіна «Спыніся і падумай»

Студэнцкім актывам інтэрната па вул.Убарэвіча, 18, была падрыхтавана і праведзена тэматычная гадзіна «Спыніся і падумай», прысвечаная барацьбе з алкаголем. Мэта мерапрыемства - сфармаваць ўсвядомленыя адмоўныя адносіны студэнтаў да алкаголю і слабаалкагольных напояў, развіць у сабе звычку да здаровага ладу жыцця.

У сяброўскай, добразычлівай атмасферы прайшло тэматычнае мерапрыемства. І самае галоўнае, што кожны са студэнтаў атрымаў для сябе карысную і важную інфармацыю. І менавіта гэта, магчыма, у будучыні зберажэ яго ад неабдуманых учынкаў.

2017-11-03

Цяпло сямейнага ачага

У інтэрнаце па вул.Убарэвіча, 18, студэнцкім актывам было арганізавана і праведзена мерапрыемства «Цяпло сямейнага ачага», мэта якога — фарміраванне правільнай мадэлі сям’і і сямейных каштоўнасцяў. Падчас вечарыны студэнты адказвалі на пытанні і загадкі на сямейную тэматыку, распавядалі гісторыі пра сваю сям’ю.

Сям’я з’яўляецца асноўным элементам грамадства, менавіта ў сям'і чалавеку прывіваюць агульначалавечыя каштоўнасці культуры і гістарычнай пераемнасці пакаленняў. Умацаванню прэстыжу сям’і ў Рэспубліцы Беларусь надаецца вялікая ўвага, бо дзякуючы ёй мацнее і расце дзяржава, стабільна развіваецца грамадства. Ва ўсе часы аб развіцці краіны судзілі па становішчы сям’і ў грамадстве і па адносінах да яе дзяржавы.

2017-10-30

Гісторыя майго краю

У інтэрнаце па вул.Убарэвіча, 18, адбылася вечарына на тэму «Гісторыя майго краю». Мэта дадзенага мерапрыемства — выхаванне любові навучэнцаў да роднага краю; садзейнічанне ў развіцці пазнавальнай цікавасці да гісторыі сваёй малой Радзімы. Актывам студэнцкага савета інтэрната падрыхтаваны відэаматэрыял аб прыродзе і дасягненнях Беларусі, які з цікавасцю глядзелі ўсе ўдзельнікі вечара, а таксама  віктарына пра нашу краіну. У зале, дзе адбылася вечарына, была аформлена выстава прадметаў побыту беларускага народа.

2017-10-30

Дзень маці ў інтэрнаце

У інтэрнаце па вул.Убарэвіча, 18, студэнцкім актывам было арганізавана і праведзена мерапрыемства, прысвечанае Дню маці. Дзень маці - свята самага дарагога чалавека для кожнага з нас. На вечары прагучала шмат ласкавых і добрых слоў, а таксама музычных творчых кампазіцый у гонар маці.

Бурны ўсплеск станоўчых эмоцый выклікаў паказ відэаролікаў. У гэты вечар словы пра матулю гучалі з такой любоўю, што, здавалася, мамы, якія знаходзяцца далёка, пачулі і адчулі цяпло любові сваіх дзяцей.

На працягу ўсяго вечара панавала вясёлая і адначасова кранальная атмасфера.

2017-10-19

«Настаўнік - імя вечнае і бясконцае»

Студэнцкім актывам інтэрната па вул.Убарэвіча, 18, было падрыхтавана і праведзена святочнае мерапрыемства, прысвечанае Дню настаўніка. Рабята віншавалі выхавальнікаў, чыталі ім вершы, спявалі песні, паказвалі сцэнкі. Мерапрыемства атрымалася вясёлае і святочнае. Усе прысутныя атрымалі зарад добрага настрою.

2017-10-05