Інтэрнат Убарэвіча, 18

Выбары намесніка старшыні студэнцкага савета

У інтэрнаце па вул.Убарэвіча, 18, прайшло пасяджэнне студэнцкага савета, адным з пытанняў якога былі выбары намесніка старшыні студэнцкага савета. Былі прапанаваны тры кандыдатуры: Аліфяровіч Вераніка, Церашкова Паліна і Наварыч Антон.

Па выніках закрытага галасавання большасцю галасоў намеснікам старшыні студэнцкага савета інтэрнатабыў выбраны студэнт 1-га курса інжынернага факультэта Наварыч Антон.

2016-04-05

Вусны часопіс «Як смачна і рацыянальна харчавацца?»

У інтэрнаце па вул. Убарэвіча, 18, студэнцкім саветам арганізавана мерапрыемства на тэму правільна арганізаванага рацыянальнага харчавання ― адной з найважнейшых умоў здаровага ладу жыцця. Вядучыя расказалі аб прадуктах, якія прыносяць карысць арганізму, і тым самым зацікавілі студэнтаў правільна харчавацца.

У ходзе мерапрыемства студэнты прынялі актыўны ўдзел у гульнях і конкурсах.

2016-03-28

Тэматычны вечар «Мне не ўсё роўна, якой будзе мая краіна»

У інтэрнаце па вул. Убарэвіча, 18, студэнцкім саветам было праведзена мерапрыемства, прымеркаванае да Дня Канстытуцыі Рэспублікі Беларусь. Вядучыя падрабязна расказалі прысутным пра важнасць гэтага дня ў гісторыі нашай страны. Таксама студэнты дэманстравалі свае веды аб асноўных правах і свабодах, замацаваных у Асноўным Законе краіны. Мерапрыемства было насычана станоўчымі эмоцыямі і карыснай прававой інфармацыяй, пададзенай у даступнай форме.

2016-03-18

Вечар адпачынку «Жанчына, вясна, каханне»

У інтэрнаце па вул.Убарэвіча, 18, адбыўся вечар адпачынку, прысвечаны Міжнароднаму жаночаму дню. У рамках мерапрыемства быў праведзены конкурс «Міс Вясна-2016», дзе ўдзельнікі дэманстравалі сваё абаянне, артыстызм і кемлівасць.

Як пасля зімовага сну абуджаецца прырода, так і вынікам нашага мерапрыемства былі ўсмешкі, непадробная радасць, вясновы настрой.

Была падрыхтавана выстава «Для мілых дам», якая парадавала гледачоў, удзельнікаў, арганізатараў мерапрыемства і стварыла ў інтэрнаце святочны настрой.

2016-03-14

Шчырая размова «Небяспечны шлях»

Актывам студэнцкага самакіравання інтэрната па вул.Убарэвіча, 18, было арганізавана і праведзена мерапрыемства. У якасці запрошанага госця выступала Аліна Іосіфаўна Клімава, урач студэнцкага здраўпункта.

У ходзе ажыўленай гутаркі былі падняты рознапланавыя пытанні, якія маюць адносіны да здароўя і праблем наркатычнай залежнасці сучаснай моладзі.

2016-03-04

Вусны часопіс «Жыццёвыя каштоўнасці і мастацтва жыць годна»

У інтэрнаце па вул. Убарэвіча, 18, студэнцкім актывам арганізавана мерапрыемста, на якім вядучыя прапанавалі ўдзельнікам задумацца аб важнасці правільнага выбару жыццёвых каштоўнасцяў. Для ўдзельнікаў праведзены псіхалагічны трэнінг.

Людзі адрозніваюцца тым, якія каштоўнасці ў жыцці ставім на першае месца. На думку студэнтаў, на сёння галоўным для іх з'яўляецца сям'я, здароўе, адукацыя і верныя сябры. 

2016-03-02

А ну-ка, хлопцы!

У інтэрнаце па вул. Убарэвіча, 18, адбылося мерапрыемства, прысвечанае Дню абаронцы Айчыны. Праведзена конкурсна-забаўляльная праграма, удзельнікі якой уразілі ўсіх сваім пачуццём гумару, талентам і крэатывам.

Вечар прайшоў у сяброўскай і вясёлай атмасферы. Студэнты атрымалі зарад бадзёрасці і шмат добрага настрою.

2016-02-25

Адкрыты мікрафон «Здаровы студэнт - паспяховы прафесіянал»

Пад такой назвай прайшло мерапрыемства ў інтэрнаце па вул.Убарэвіча, 18, падрыхтаванае студэнцкім саветам, у час якога абмяркоўваліся праблемы прафілактыкі інфекцый, якія перадаюцца палавым шляхам. Задаваліся пытанні прысутным у зале, быў прадэманстраваны відэаролік, прагучалі вершы і песні.

Вячаслаў Няпомняшчаў, кіраўнік сектара ЗЛЖ, у час зімовых канікул з сябрамі наведаў Карпаты і распавёў усім пра тое, наколькі цікавы актыўны турызм.

У завяршэнні праграмы студэнты правялі танцавальны баттл.

2016-02-24

Дыспут «Прававая культура моладзі. Культура міжнацыянальных адносін»

У інтэрнаце па вул. Убарэвіча, 18, прайшоў дыспут «Прававая культура моладзі. Культура міжнацыянальных адносін».

На мерапрыемстве студэнты інтэрната абмеркавалі асноўныя элементы прававой культуры ў краіне, праблемы, якія стаяць перад моладдзю ў прававой сферы, пазнаёміліся з  правамі і гарантыямі для моладзі ў нашай краіне і параўналі  з іншымі краінамі.

Пасля дыспуту аб міжнацыянальных адносінах студэнты з розных краін паказалі свае таленты, а  гледачы прадэгуставалі стравы нацыянальнай кухні Беларусі, Украіны, Туркменістана, Кітая.

2016-02-19

Віншавальная паштоўка «Любоўю адораныя сэрцы»

Інтэрнат па вул. Убарэвіча,18, ― гэта дом, у якім жыве каханне, і менавіта тут прайшла акцыя для закаханых.

Cтудэнты абменьваліся віншаваннямі, прызнаннямі, падарункамі і проста светлымі і радаснымі эмоцыямі.

У гэты дзень ніхто не страціў магчымасці сказаць самыя далікатныя і цёплыя словы сваім блізкім і любімым людзям.

2016-02-15