Інтэрнат Убарэвіча, 18

Гутарка-дыялог «Мы ― за здаровы лад жыцця»

У інтэрнаце па вул.Убарэвіча, 18, па ініцыятыве актыву сектара здаровага ладу жыцця студэнцкага савета інтэрната адбылося мерапрыемства «Мы ― за здаровы лад жыцця».

Падчас дыялогу студэнты задумаліся аб стане свайго здароўя, абмяняліся думкамі пра фактары, якія ўплываюць на яго, абмеркавалі актуальныя  сёння тэмы дня: прафілактыка наркаманіі, тытунекурэння, алкаголю. Асаблівую ўвагу надалі таму, як правільна весці здаровы лад жыцця. Размова ішла пра тое, што кожны павінен клапаціцца аб уласным здароўі праз актыўны ўдзел у занятках фізкультурай і спортам, здаровае харчаванне, а таксама актыўнае ўключэнне ў правядзенне інфармацыйнай працы сярод сваіх аднагодкаў.

Падчас мерапрыемства былі паказаны відэафільмы на дадзеную тэму, праведзены конкурсы і віктарыны.

2017-09-28

Міжнародны дзень міру

У інтэрнаце па вул. Убарэвіча, 18, адбылося мерапрыемства, прысвечанае Міжнароднаму дню міру.

Студэнцкім актывам інтэрната была падрыхтавана літаратурна-музычная кампазіцыя, ключавым матывам якой сталі вершы і песні, фота- і відэаматэрыялы пра мір.

Мерапрыемства прайшло цікава, у цёплай і сяброўскай атмасферы.

2017-09-26

«Хвіліна славы»

У інтэрнаце па вул.Убарэвіча, 18, прайшло творчае спаборніцтва сярод студэнтаў «Хвіліна славы». 

Мерапрыемства дало выдатную магчымасць першакурснікам праявіць свае творчыя здольнасці і прадэманстраваць свой талент. Канкурсанты ўпрыгожылі залу маляўнічымі работамі, спявалі песні, дэкламавалі вершы, паказвалі гумарыстычныя сцэнкі.

Студэнты паказалі ўсё, на што яны здольныя. І журы, і гледачы, якіх сабралася нямала, засталіся задаволеныя.

2017-09-18

Я кажу жыццю «ТАК!»

Студэнты, якія пражываюць у інтэрнаце па вул.Убарэвіча, 18, сустрэліся з педагогам-псіхолагам В.М. Бабылёвай. Студэнты, якія прыйшлі на размову, даведаліся пра тое, як захаваць у сабе чалавечыя якасці характару.  Вольга Мікалаеўна яшчэ раз даказала, што жыццё трэба шанаваць і ставіцца да сябе з павагай і любоўю.

Сустрэча была цікавай і пазнавальнай.

2017-09-15

Забаўляльная праграма для першакурснікаў

1 верасня ў інтэрнаце па вул. Убарэвіча, 18, была праведзена забаўляльная праграма. Актывам студсавета з мэтай згуртавання першакурскнікаў былі падрыхтаваны гульні на знаёмства і камандаўтварэнне.

Мерапрыемства прайшло ў ветлівай і цёплай абстаноўцы, а таксама ўсім прысутным дало пазітыўны настрой на ўвесь дзень.

2017-09-04

Кампанія па засяленні ў інтэрнат

29 жніўня стартавала кампанія па засяленні студэнтаў у інтэрнат на 2017/2018 навучальны год. Дзякуючы суладнай працы студсавета і адміністрацыі інтэрната па вул.Убарэвіча, 18, засяленне ідзе хуткімі тэмпамі. На працягу трох дзён студэнты заключаюць дагаворы найму жылога памяшкання, праходзяць інструктаж па правілах пажарнай бяспекі і вывучаюць правілы ўнутранага распарадку інтэрната.

2017-08-30

Інфармацыйна-адукацыйная акцыя «Беларусь супраць тытуню»

У інтэрнаце па вул.Убарэвіча, 18, прайшла акцыя, прымеркаваная да Сусветнага дня без тытуню. Мэта праведзенай акцыі – інфармаванне студэнтаў аб наступствах, звязаных з ужываннем тытуню і ўздзеяннем тытунёвага дыму на арганізм чалавека. Праведзеная акцыя дазволіла студэнтам, якія кураць, задумацца пра шкоду тытунекурэння і яго сумныя наступствы і адмовіцца ад курэння ў гэты дзень.

2017-06-02

Сустрэча «Лета без праблем»

Студэнты інтэрната па вул.Убарэвіча, 18, сустрэліся з супрацоўнікамі ГАУС і ГРАНС. Галоўнай тэмай сустрэчы сталі правілы паводзін у летні перыяд.

 Спецыялісты расказалі навучэнцам аб правілах паводзін пры пажары ў кватэры, на дачы, у лесе. Падрабязна разгледзелі тэму прычын пажараў і ўздзеяння небяспечных фактараў на чалавека.

У летні перыяд немалаважна, каб студэнты ведалі правілы паводзін на азёрах, рэках: як паводзіць сябе ў вадзе, як павінен быць апрануты чалавек, каб абараніць сябе ад сонечнага ўдару. Многія простыя правілы былі вельмі карысныя.

2017-05-31

«Сям'я – апора шчасця»

У рамках Міжнароднага дня сям'і ў інтэрнаце па вул. Убарэвіча, 18, прайшла дыскусія «Сям'я – апора шчасця». Мэта мерапрыемства – фарміраванне каштоўнасці інстытута сям'і і шлюбу, інфармаванне студэнтаў аб ролі мужа і жонкі ў сям'і.

З сям'і пачынаецца жыццё чалавека, тут адбываецца яго фарміраванне як грамадзяніна. Калі ў чалавека моцная сям'я, то яму лягчэй у жыцці быць паспяховым і пазітыўным! Сям'я фарміруе высокі ўзровень адказнасці, выхоўвае ў чалавеку асноўныя маральныя і грамадскія каштоўнасці.

Тэматыка дыскусіі нікога не пакінула раўнадушным.

2017-05-18

Тэматычная выстава «Ведай і шануй сімволіку сваёй краіны»

У інтэрнаце па вул.Убарэвіча, 18, студэнцкім актывам была арганізавана выстава, прымеркаваная да Дня Дзяржаўнага герба і Дзяржаўнага сцяга Рэспублікі Беларусь.

Гэтае дзяржаўнае свята адзначаецца штогод у адпаведнасці з Указам Прэзідэнта Рэспублікі Беларусь №157 ад 26 сакавіка 1998 года. Сімваламі Рэспублікі Беларусь як суверэннай дзяржавы з'яўляюцца Дзяржаўны сцяг, Дзяржаўны герб і Дзяржаўны гімн Рэспублікі Беларусь.

На тэматычнай выставе студэнты даведаліся пра гісторыю галоўных сімвалаў нашай краіны, якія нясуць у сабе гістарычныя, духоўныя і маральныя рысы нацыі.

2017-05-12