Інтэрнат Убарэвіча, 18

«Мужчынскае \ жаночае»

Пад такой назвай у інтэрнаце па вул. Убарэвіча, 18, студэнцкім актывам быў арганізаваны вечар, які аб'ядноўвае два вялікіх святы: 8 Сакавіка і 23 Лютага. Творчая праграма вечара ўключала ў сябе песні, конкурсы і вершы. Арганізатарам удалося стварыць вясёлую і сяброўскую атмасферу свята.

2017-03-06

Адкрытая размова «Не наркотыкам»

У інтэрнаце па вул. Убарэвіча,18, адбылося мерапрыемства, прысвечанае Сусветнаму дню барацьбы з наркаманіяй. Падчас вечарыны студэнты гаварылі аб наркаманіі як пра лютага ворага, які бязлітасна захоплівае моладзь, таму гэтая праблема хвалюе кожнага. Вядучыя задавалі прысутным пытанні: «Чаму людзі пачынаюць спрабаваць накротыкі?», «Што гэта ― патрэба арганізма або даніна модзе і часу?».

Вялікую цікавасць выклікалі у прысутных тэматычныя відэа і апавяданне вядучых аб тым, што наркотыкі не ведаюць ні класавых, ні маёмасных падзелаў. Яны губяць любога чалавека, хто ўстаў на гэты шлях.

2017-03-03

Літаратурная кампазіцыя «Жыві, мая мова, - жыві, мой народ»

Да Міжнароднага дня роднай мовы студэнцкім актывам інтэрната па вул.Убарэвіча, 18, праведзена літаратурная кампазіцыя «Жыві, мая мова,  - жыві, мой народ», на якой было расказана пра творы вядомых беларускіх паэтаў і празаікаў і пра гісторыю беларускай мовы.

Удзельнікі мерапрыемства паведамілі пра шляхі адраджэння нашай роднай мовы. На вечарыне гучалі вершы беларускіх паэтаў, у якіх яны сцвярджаюць, што наша мова - самая мілагучная і спеўная.

2017-03-02

Вечар-дыскусія «Здаровы лад жыцця - гэта заўсёды актуальна»

У інтэрнаце па вул.Убарэвіча, 18, адбыўся вечар-дыскусія «Здаровы лад жыцця - гэта заўсёды актуальна». Мэта мерапрыемства - праінфармаваць студэнтаў пра спосабы перадачы інфекцыйных захворванняў, якія перадаюцца пераважна палавым шляхам (ІППШ), і пра спосабы прадухілення заражэння.

2017-03-01

Вечар актуальных праблем «Дзе высока стаіць навука ― стаіць высока чалавек»

У Беларусі 2017 год аб'яўлены Годам навукі, і ў сувязі з гэтым ў інтэрнаце па вул.Убарэвіча, 18, актывісты студэнцкага савета правялі вечар актуальных праблем «Дзе высока стаіць навука – стаіць высока чалавек». На працягу мерапрыемства былі паказаны тэматычныя відэаролікі, прэзентацыя «Славутыя вучоныя Беларусі» і праведзены розныя конкурсы.

Навука задае імклівы тэмп інавацыйнаму развіццю, пракладваючы дарогу высокіх тэхналогіям, сучаснай тэхніцы, падымаючы на новы ўзровень ўсе сферы жыцця чалавека. 

2017-02-24

Пасяджэнне студэнцкага савета

15 лютага ў інтэрнаце па вул.Убарэвіча, 18, адбылося пасяджэнне студсавета, на якім былі прадстаўлены справаздачы кіраўнікоў сектараў аб праведзенай працы за 1 семестр 2016/2017 навучальнага года. На пасяджэнні прысутнічалі начальнік аддзела выхаваўчай работы з моладдзю І. С. Булыга і старшыня каардынацыйнага савета Раман Шухно.

Варта адзначыць, што пасяджэнне студсавета праходзіла ў форме дыялогу, на якім усе ўдзельнікі актыўна абмяркоўвалі актуальныя пытанні і шукалі на іх адказы.

2017-02-17

Рамантычнае віншаванне «Усё пачынаецца з кахання»

У гонар выдатнага свята Дня ўсіх закаханых у інтэрнаце па вул.Убарэвіча, 18, працавала рамантычная пошта. «Паштовая скрыня» для валянцінак працавала на працягу ўсяго дня, і кожны жадаючы меў магчымасць прызнацца ў сваіх пачуццях, проста сказаць цёплыя словы тым, каго мы любім і шануем.

Смелых юнакоў і дзяўчат, якія праявілі сваіх пачуцці, аказалася даволі шмат!

2017-02-15

Займальная і незабыўная экскурсія ў Полацк

28 снежня па ініцыятыве аддзела ідэалагічнай работы, культуры і па справах моладзі Баранавіцкага гарвыканкама была арганізавана экскурсія для працоўнай моладзі, студэнтаў, уключаных у перспектыўны кадравы рэзерв, а таксама студэнтаў-актывістаў БарДУ ў гістарычны Полацк.

Актыў студэнцкага савета інтэрната па вул.Убарэвіча, 18, таксама прыняў удзел у экскурсіі, у час якой яны ўбачылі славутасці самага старажытнага горада Беларусі, наведалі Сафійскі сабор і Спаса-Ефрасіньеўскі манастыр. Студэнты былі прыемна здзіўлены і ўражаны веліччу і архітэктурай гістарычных помнікаў. 

Успаміны і эмоцыі ад убачанага яшчэ надоўга застануцца ў памяці ўдзельнікаў экскурсіі.

2017-01-03

Выстаўка «Залатыя ручкі»

У інтэрнаце па вул.Убарэвіча, 18, кіраўніком гуртка па рукадзеллі «Чароўная пацерка» была арганізавана выніковая выстава, на якой былі прадэманстраваны творчыя работы ўдзельнікаў гуртка. Рукадзелле ― гэта творчасць, палёт фантазіі і майстэрства выканаўцы. У кожную выкананую рэч ўкладваецца энергія выканаўцы, часцінка душы і сэрца.

2016-12-28

Тэматычны вечар «Тэхналогія працаўладкавання»

У інтэрнаце па вул. Убарэвіча, 18, студэнцкім актывам быў арганізаваны тэматычны вечар «Тэхналогія працаўладкавання». Увазе студэнтаў былі прадстаўлены відэаролікі і прэзентацыі. У працэсе мерапрыемства вырашаліся праблемныя сітуацыі. Рабяты даведаліся, як трэба правільна складаць рэзюмэ і як паводзіць сябе пры працаўладкаванні. У завяршэнні вечара студэнты прачыталі тэматычныя вершы.

2016-12-22