.

    ІНТЭРНАТ УБАРЭВІЧА, 18

Навіны інтэрната

 

 

«Сям'я – апора шчасця»

У рамках Міжнароднага дня сям'і ў інтэрнаце па вул. Убарэвіча, 18, прайшла дыскусія «Сям'я – апора шчасця». Мэта мерапрыемства – фарміраванне каштоўнасці інстытута сям'і і шлюбу, інфармаванне студэнтаў аб ролі мужа і жонкі ў сям'і.

З сям'і пачынаецца жыццё чалавека, тут адбываецца яго фарміраванне як грамадзяніна. Калі ў чалавека моцная сям'я, то яму лягчэй у жыцці быць паспяховым і пазітыўным! Сям'я фарміруе высокі ўзровень адказнасці, выхоўвае ў чалавеку асноўныя маральныя і грамадскія каштоўнасці.

Тэматыка дыскусіі нікога не пакінула раўнадушным.

«Сям'я – апора шчасця»

2017-05-18

Тэматычная выстава «Ведай і шануй сімволіку сваёй краіны»

У інтэрнаце па вул.Убарэвіча, 18, студэнцкім актывам была арганізавана выстава, прымеркаваная да Дня Дзяржаўнага герба і Дзяржаўнага сцяга Рэспублікі Беларусь.

Гэтае дзяржаўнае свята адзначаецца штогод у адпаведнасці з Указам Прэзідэнта Рэспублікі Беларусь №157 ад 26 сакавіка 1998 года. Сімваламі Рэспублікі Беларусь як суверэннай дзяржавы з'яўляюцца Дзяржаўны сцяг, Дзяржаўны герб і Дзяржаўны гімн Рэспублікі Беларусь.

На тэматычнай выставе студэнты даведаліся пра гісторыю галоўных сімвалаў нашай краіны, якія нясуць у сабе гістарычныя, духоўныя і маральныя рысы нацыі.

Тэматычная выстава «Ведай і шануй сімволіку сваёй краіны» Тэматычная выстава «Ведай і шануй сімволіку сваёй краіны»

2017-05-12

«Чарнобыльская трагедыя»

У інтэрнаце па вул. Убарэвіча, 18, прайшло мерапрыемства, прысвечанае катастрофе на Чарнобыльскай АЭС, на якім сабраліся ўсе неабыякавыя да гэтай даты, каб успомніць падзеі 31-гадовай даўніны і аддаць даніну падзякі ліквідатарам аварыі на ЧАЭС. 

У ходзе мерапрыемства, як жывая, паўстала перад прысутнымі карціна самай буйной тэхнагеннай радыяцыйнай катастрофы ў гісторыі чалавецтва. Успомнілі, што паслужыла прычынай выбуху, якія наступствы ён меў, колькі чалавек прынялі ўдзел у ліквідацыі і інш.

 Інфармацыя і эмоцыі застануцца ў памяці ўсіх прысутных надоўга.

«Чарнобыльская трагедыя» «Чарнобыльская трагедыя»

2017-05-02

Тэматычны вечар «Расія і Беларусь: агульная гісторыя і агульны лёс»

У інтэрнаце па вул. Убарэвіча, 18, студэнцкім актывам было праведзена мерапрыемства, прысвечанае Дню яднання народаў Беларусі і Расіі. Падчас вечарыны студэнтам былі прадэманстраваны відэаролікі, мультымедыйныя прэзентацыі аб саюзных дзяржавах. З прэзентацый яны даведаліся пра гісторыю развіцця гэтага свята, пра тое, што аб'ядноўвае гісторыю і культуру Расіі і Беларусі.

Дзень яднання Беларусі і Расіі - знамянальнае свята, бо яно сімвалізуе блізкасць народаў не толькі на культурным, але і гістарычным узроўні.

Тэматычны вечар «Расія і Беларусь: агульная гісторыя і агульны лёс» Тэматычны вечар «Расія і Беларусь: агульная гісторыя і агульны лёс»

2017-04-11

Адкрыты мікрафон «Здароўе, сіла, прыгажосць»

У інтэрнаце па вул.Убарэвіча, 18, прайшоў адкрыты мікрафон «Здароўе, сіла, прыгажосць», прымеркаваны да Сусветнага дня здароўя. У ходзе мерапрыемства падымаліся актуальныя пытанні здаровага ладу жыцця і прафілактыкі захворванняў. Усе прысутныя даведаліся пра важнасць здаровага ладу жыцця, аб станоўчым уплыве спорту на здароўе і пра спосабы падтрымання пазітыўнага настрою.

Здаровы лад жыцця сёння ― гэта патрабаванне часу. Праблема фарміравання здаровага ладу жыцця з'яўляецца адной з актуальных асабліва сярод моладзі. Быць здаровым стала модна і прэстыжна.

Завяршылася мерапрыемства спартыўным флэш-мобам.

Адкрыты мікрафон «Здароўе, сіла, прыгажосць» Адкрыты мікрафон «Здароўе, сіла, прыгажосць» Адкрыты мікрафон «Здароўе, сіла, прыгажосць» Адкрыты мікрафон «Здароўе, сіла, прыгажосць»

2017-04-11