Інтэрнат Убарэвіча, 18

Удзел лідэраў студэнцкага савета ў маладзёжным форуме «Школа лідара “Творчы актывіст XXI стагоддзя”»

Лідары студэнцкага савета інтэрната па вул. Убарэвіча, 18, прынялі актыўны ўдзел у форуме. Атрымалі зарад бадзёрасці, энтузіазму і гатовы да новых творчых пачынанняў.

2014-11-20

Забаўляльная праграма «Даведайся, з кім жывеш?»

23 кастрычніка ў інтэрнаце па вул.Убарэвіча, 18, прайшла забаўляльная праграма «Даведайся, з кім жывеш?». Песні, танцы, вершы сталі візітнай карткай для раскрыцця талентаў студэнтаў. Усе ўдзельнікі адчувалі падтрымку зала.

Мерапрыемства, якое стала ўжо традыцыяй, дазволіла па-новаму паглядзець на ўнутраны свет студэнтаў.

2014-10-27

Конкурс маладых паэтаў «Пазнай свет праз паэзію»

Паэзіі было прысвечана мерапрыемства, якое прайшло ў інтэрнаце па вул.Убарэвіча, 18.

Кастрычнік абраны недарма, бо гэты восеньскі месяц 200 гадоў назад падарыў свету вялікага паэта М. Ю.Лермантава. Гутарка ішла пра паэзію і яе месца ў нашым жыцці, пра тое, патрэбна яна нам ці без яе можна выдатна абысціся.

Сваімі творамі падзяліліся з намі і падаравалі часцінку сваёй душы Дзіяна Кузьмянкова, Кацярына Уласавец, Анастасія Шчарбук.

2014-10-24

Спаборніцтвы па футболу паміж туркменскімі камандамі

На спартыўнай пляцоўцы Баранавіцкага дзяржаўнага ўніверсітэта прайшлі спаборніцтвы па футболу паміж студэнтаў з Туркменістана, якія пражываюць у інтэрнаце па вул.Убарэвіча, 18.

Спартыўны азарт ахапіў удзельніказ спабрніцтваў, і як вынік – гульня скончылася аднолькавым лікам.

2014-10-24

Гэта слова святое – Мама

14 кастрычніка ў інтэрнаце па вул.Убарэвіча, 18, прайшоў інтэлектуальна-творчы вечар “Гэта слова святое – Мама”. Мерапрыемства было накіравана на фарміраванне павагі і любові да маці.

У час яго правядзення панавала атмасфера дабра і цеплыні. Вершы, песні, відэаролікі пра нашых матуль запалілі ў сэрцах студэнтаў іскру, якая, спадзяёмся, не згасне ніколі.

2014-10-17

Здароўе – наша сіла

У інтэрнаце па вул.Убарэвіча, 18, прайшла віктарына «Здароўе – наша сіла». Мерапрыемства было накіравана на выхаванне культуры здаровага ладу жыцця. У час віктарыны адбылася гутарка «Наша здароўе ў нашых руках», прагляд дакументальнага відэафільма «Спайс у Беларусі», гульні. Мерапрыемства прайшло энергічна. Пераможцы гульні і віктарыны атрымалі прызы.

2014-10-14

Вечар-сустрэча «Мая будучая прафесія на рынку працы»

У інтэрнаце па вул. Убарэвіча, 18, прайшоў музычна-лірычны вечар «Мая будучая прафесія на рынку працы». Танцы, песні і гумарыстычныя замалёўкі стварылі атмасферу свята, радасці і весялосці.
Ганаровымі гасцямі мерапрыемства сталі кандыдат філалагічных навук А.М. Фянчук і малады настаўнік А.В. Цэбрук.

2014-10-06

Гадзіна зносін «Жыву ў Беларусі і тым ганаруся»

У інтэрнаце па вул. Убарэвіча, 18, прайшла гадзіна зносін «Жыву ў Беларусі і тым ганаруся». Мерапрыемства праводзілася на беларускай мове і было накіравана на ўмацаванне пачуцця патрыятызму, гонару за сваю краіну. Студэнты наведалі краязнаўчы куток «Спадчына», пазнаёміліся з літаратурай пра Беларусь, даведаліся пра традыцыі і звычаі нашай краіны.

2014-10-03

«Жывём па законе!»

25 верасня ў інтэрнаце па вул. Убарэвіча, 18, адбылася сустрэча непаўналетніх студэнтаў з інспектарам па справах непаўналетніх ГАУС г. Баранавічы Стахейка Кацярынай Віктараўнай.

У час мерапрыемства пад назвай «Ты і твае правы» інспектар расказвала аб адказнасці непаўналетніх, якія ўчынілі адміністрацыйныя правапарушэнні, а таксама патлумачыла іх правы і абавязкі.

Студэнты з цікавасцю слухалі інспектара, актыўна цікавіліся прававымі аспектамі супрацьпраўных паводзін непаўналетніх і атрымлівалі кампетэнтныя адказы, як паводзіць сябе ў пэўнай сітуацыі.

2014-09-29

«Спорт – гэта жыццё, а аматары – частка гэтага жыцця»!

На стадыёне па вул. Войкава прайшлі сяброўскія спаборніцтвы па валейболе паміж студэнтамі Туркменістана і Беларусі. Шмат аматараў прыйшло падтрымаць гульню. Гэта была займальная і цікавая гульня, але ў выніку перамагла дружба.
Радасць ад прагляду матчу атрымалі ўсе прысутныя. Пасля гульні ўсё дзяліліся сваімі ўражаннямі, а валейбалісты рабілі сумесныя фатаграфіі.

2014-09-24