Інтэрнат Убарэвіча, 18

Дыскусія «Сакрэты правільнага харчавання»

У інтэрнаце па вул. Убарэвіча, 18, студэнцкім саветам была арганізаваная дыскусія, якая была прысвечана актуальнай тэме - правільнаму харчаванню чалавека. 

Усе ўдзельнікі дыскусіі актыўна ўдзельнічалі ў абмеркаванні пастаўленых пытанняў, дзяліліся асабістым вопытам падрыхтоўкі карысных страў ва ўмовах інтэрната. Студэнты з цікавасцю абмяркоўвалі, які ж сакрэт здароўя закладзены ў рацыянальным і правільным харчаванні, якія прадукты садзейнічаюць умацаванню здароўя і павялічваюць узровень фізічнай актыўнасці чалавека.

Усе прысутныя засталіся задаволеныя наведваннем мерапрыемства, на якім яны даведаліся шмат карыснай і цікавай інфармацыі аб правільным харчаванні.

2018-04-14

Майстар-клас па роспісе велікодных яек

Майстар-клас па роспісу велікодных яек адбыўся ў інтэрнаце па вул. Убарэвіча, 18.

У рамках работы гуртка выяўленчага мастацтва «АРТ-МАЙСТАР» удзельнікі рэалізуюць сябе праз творчае ўвасабленне ў мастацкіх работах, дэманструюць свае непаўторныя рысы характару і індывідуальнасць.

2018-04-09

БарДУ за ЗЛЖ

У БарДУ ў рамках традыцыйнага Тыдня здароўя прайшоў шэраг мерапрыемстваў, прысвечаных прапагандзе здаровага ладу жыцця. Не стаялі ў баку і студэнты інтэрната па вул.Убарэвіча, 18, якія праводзілі гэтыя дні на стадыёнах універсітэта.

Здаровы лад жыцця сёння - гэта патрабаванне часу. Праблема фарміравання здаровага ладу жыцця з’яўляецца адной з актуальных, асабліва сярод моладзі. Быць здаровым стала модна і прэстыжна. Гэта не пакідае сумненняў у тым, што паспяховая прапаганда здаровага ладу жыцця ў інтэрнаце дапаможа студэнтам набыць практычныя навыкі ўмацавання здароўя, а значыць, гарантуе ім у будучыні доўгае, паўнавартаснае і насычанае жыццё!

2018-04-09

Да Дня яднання народаў Беларусі і Расіі

У інтэрнаце па вул. Убарэвіча, 18, студэнцкім саветам была падрыхтавана экспазіцыя, прымеркаваная да Дня яднання народаў Беларусі і Расіі. Студэнты даведаліся больш інфармацыі пра цеснае ўзаемадзеянне дзвюх дзяржаў, аб іх агульнай гісторыі і лёсу.

2018-04-04

Дзень смеху

У інтэрнаце па вул. Убарэвіча, 18, студэнцкім саветам арганізавана мерапрыемства, прысвечанае Дню смеху. У ходзе вечара адбылося знаёмства з асаблівасцямі святкавання Дня смеху ў розных краінах свету, а таксама мноства займальных конкурсаў і гульняў.

Студэнты з задавальненнем удзельнічалі ў конкурсах, адказвалі на смешныя пытанні, «пабывалі» ў цікавых сітуацыях. У ходзе свята студэнты прадэманстравалі шчырае стаўленне адзін да аднаго, уменне жартаваць, разумець жарты і не крыўдзіцца на іх.

2018-04-02

Інтэрактыўная выстава «Хатынь: жыві і памятай»

У інтэрнаце па вул. Убарэвіча, 18, была арганізавана работа інтэрактыўнай кампазіцыі «Хатынь: жыві і памятай» з паказам відэафільма «Ідзі і глядзі» да 75-годдзя трагедыі.

2018-03-27

Інфармацыйная гадзіна «Трагічныя сёстры Хатыні»

У інтэрнаце па вул.Убарэвіча, 18, прайшла інфармацыйная гадзіна «Трагічныя сёстры Хатыні». Студэнты яшчэ раз успомнілі пра гісторыю вёскі Хатынь і той жудаснай трагедыі, якая напаткала жыхароў вёскі.

Таксама была падрыхтавана тэматычная выстаўка «Жыві і памятай», якая дапамагла навучэнцам яшчэ больш усвядоміць важнасць міру на нашай планеце Зямля.

У 2018 годзе Беларусь рыхтуецца адзначаць сумную і знакавую дату - 75 гадоў з дня трагедыі вёскі Хатынь. Колькі б гадоў ні мінула з дня Хатынскай трагедыі, для беларускага народа памяць пра яе заўсёды будзе святая.

2018-03-21

Вечар-сустрэча «Нацыянальныя асаблівасці: Беларусь – Туркменістан»

У інтэрнаце па вул. Убарэвіча, 18, адбылася вечарына на тэму нацыянальных асаблівасцяў дзвюх краін: Беларусі і Туркменістана. Прысутныя на мерапрыемстве студэнты з цікавасцю слухалі апавяданні пра традыцыі Туркменістана і Беларусі.

Выстава нацыянальных беларускіх і туркменскіх упрыгожванняў і адзення зрабілі незгладжальнае ўражанне на гасцей. На вечары таксама можна было пакаштаваць нацыянальныя стравы Туркменістана і Беларусі.

2018-03-21

Што вы ведаеце пра Канстытуцыю?

Студэнцкім актывам інтэрната па вул.Убарэвіча, 18, падрыхтавана і праведзена мерапрыемства, прымеркаванае да Дня Канстытуцыі Рэспублікі Беларусь. Дзень Канстытуцыі Рэспублікі Беларусь - гэта свята, якое мы не можам абыйсці сваёй увагай, бо - гэта Асноўны Закон Рэспублікі Беларусь, яго павінен ведаць і выконваць кожны грамадзянін нашай краіны.

Падчас вечарыны была праведзена міні-віктарына з удзельнікамі, дзе ім трэба было адказаць на зададзеныя пытанні, звязаныя з Канстытуцыяй, выказаць сваё меркаванне.

Усе прысутныя на мерапрыемствах атрымалі масу карыснай інфармацыі.

2018-03-15

«Са святам, мілыя дзяўчаты!»

У інтэрнаце па вул.Убарэвіча, 18, адбылося мерапрыемства, прысвечанае Міжнароднаму жаночаму дню, арганізаванае культурна-творчым сектарам студэнцкага савета інтэрната. Для дзяўчат гучалі песні, ім чыталі вершы, праводзіліся конкурсы.

Арганізатарам удалося стварыць вясёлую і сяброўскую атмасферу свята.

2018-03-07