Інтэрнат Убарэвіча, 20

Вечар сустрэч «Давай пазнаёмімся!»

Пад такой назвай 1 верасня прайшло мерапрыемства ў інтернаце па вул. Убарэвіча, 20, для студэнтаў 1-га курса. Актывісты студэнцкага савета пазнаёмілі іх з жыццём у інтэрнаце, адказалі на пытанні пра побыт і вольны час. Мы ўпэўнены, што новых студэнтаў наперадзе чакае цікавае і творчае жыццё.

2016-09-05

Мы - за ЗЛЖ

19 мая студэнты, якія пражываюць у інтэрнаце па вул. Убарэвіча, 20, прынялі ўдзел у гульні ў валейбол, якую арганізаваў сектар ЗЛЖ.

Усе ўдзельнікі выдатна правялі час і атрымалі шмат станоўчых эмоцый.

2016-05-25

«Вечар растання» ў інтэрнаце па вул.Убарэвіча, 20

Выпускнікі-актывісты і студэнцкі савет інтэрната па вул. Убарэвіча, 20, у нефармальнай абстаноўцы жартавалі і смяяліся. Выпускнікі распавядалі цікавыя гісторыі пра сваё студэнцкае жыццё і дзяліліся парадамі аб тым, як усё паспець і пры гэтым усюды прымаць удзел. Абяцалі ніколі не забываць гады вучобы ва ўніверсітэце, жыццё ў інтэрнаце і быць частымі гасцямі ў БарДУ.

2016-04-20

«Жыць здарОвым - здОрава!»

7 красавіка студэнты, якія пражываюць у інтэрнаце па вул. Убарэвіча, 20, прынялі ўдзел у праграме мерапрыемстваў, прысвечаных Міжнароднаму дню здароўя ў Лядовым палацы г. Баранавічы, якая была прадстаўлена рознымі выставачнымі экспазіцыямі, у тым ліку і БарДУ; прэзентацыямі аздараўленчых сістэм, творчым марафонам БарДУ і інш.

Студэнты атрымалі шмат карыснай інфармацыі пра здаровы лад жыцця і масу станоўчых эмоцый.

2016-04-13

Вучымся жыць па-даросламу

Студэнты нашага інтэрната прынялі ўдзел у семінары-практыкуме «Рынак працы ў г.Баранавічы сёння. Развіццё навыкаў самапрэзентацыі пры ўладкаванні на працу», які падрыхтавалі педагогі-псіхолагі нашага ўніверсітэта.

Шмат карыснай інфармацыі, якая спатрэбіцца пры працаўладкаванні, атрымалі нашы выпускнікі. Дзякуй нашым арганізатарам!

2016-04-11

Дзень смеху

У інтэрнаце па вул.Убарэвіча, 20, прайшло мерапрыемства, прысвечанае Дню смеху. Правядзенне такіх мерапрыемстваў ужо стала традыцыяй у нашым інтэрнаце. Студэнтаў чакала вялікая колькасць конкурсаў, жартаў і розыгрышаў.

Усе прысутныя атрымалі толькі станоўчыя эмоцыі.

2016-04-07

Свята ў інтэрнаце

3 сакавіка ў інтэрнаце па вул.Убарэвіча, 20, прайшло цудоўнае свята, прысвечанае Міжнароднаму жаночаму дню 8 Сакавіка.

І хоць яшчэ не растаў снег, але настрой у студэнтаў ужо вясновы. Напярэдадні самага цудоўнага свята мы вырашылі павіншаваць дзяўчат, якія пражываюць у інтэрнаце па вул. Убарэвіча, 20. Толькі віншаванне было больш падобна на выпрабаванне. Дзяўчатам прыйшлося паўдзельнічаць у конкурснай праграме. Пераможцай стала  Марына Міхайлаўна, усімі любімы і паважаны выхавальнік.

2016-03-10

«Мой стыль жыцця сёння - маё здароўе і поспех заўтра»

У Міжнародны дзень барацьбы з наркотыкамі ў інтэрнаце па вул. Убарэвіча, 20, прайшла акцыя «Мой стыль жыцця сёння - маё здароўе і поспех заўтра», пад час якой студэнты выказвалі свае погляды аб здаровым ладзе жыцця. Акцыя прадэманстравала, што студэнты БарДУ ― за здаровы лад жыцця.

Завяршылася акцыя праглядам фільма «Вышэй за неба».

2016-03-04

Вучэбная эвакуацыя

1 сакавіка студэнты, якія пражываюць у інтэрнаце па вул. Убарэвіча, 20, прынялі ўдзел у мерапрыемстве па падрыхтоўцы да дзеянняў, устаноўленых у выпадку пажарнай небяспекі.

А 15 гадзіне спрацавала апавяшчэнне аб пажарнай небяспекі, і студэнты арганізавана пакінулі будынак па запасных выхадах.

Камісія па пажарнай бяспецы адзначыла зладжанасць дзеянняў студэнтаў, якія пражываюць у інтэрнаце.

2016-03-04

Дзень абаронцы Айчыны

23 лютага ў інтэрнаце па вул. Убарэвіча, 20, студэнцкі актыў павіншаваў усіх прадстаўнікоў моцнага полу са святам, быў праэманстраваны фільм «Мы з будучыні», які нікога з прысутных не пакінуў абыякавым. 

2016-02-25