Інтэрнат Убарэвіча, 20

Дзень святога Валянціна

Студэнты інтэрната па вул. Убарэвіча, 20, умеюць весела праводзіць час. А дзень святога Валянціна ― добрая нагода для гэтага!

У гэты дзень быў і анёл, які разносіць пасланні, і запаветныя жаданні, і вечар, праведзены ў святочнай абстаноўцы са старымі і новымі сябрамі!

Кахайце і будзьце каханымі!

2015-02-18

«Без ведання мінулага не будзеш мець будучыні»

І гэта сапраўды так ― мінулае трэба ведаць. Пацвярджэннем гэтаму стала чарговае пасяджэнне клуба «Вяртанне да вытокаў» па тэме «Эстэтыка беларускага фальклора».

Вечарына прайшла 10 снежня ў інтэрнаце па вул. Убарэвіча, 20. З прыгажосцю і мудрасцю студэнты сутыкнуліся праз гісторыю ручніка, легенды і паданні краю, песні гурта «Фэст» і прэзентацыю па творчасці Янкі Купалы. Гучала родная мова не па прымусу, а па асабістаму жаданню студэнтаў з трох інтэрнатаў.

2014-12-15

Сустрэча са спецыялістам устаноў аховы здароўя

Стала добрай традыцыяй нашага інтэрната запрашаць для размовы з жыхарамі спецыялістаў устаноў аховы здароўя горада.

Вось і сёння ў нас у гасцях была ўрач-гінеколаг Сянкевіч Н. С.

Гутарка атрымалася пазнавальнай і цікавай, студэнты атрымалі адказы на пытанні, якія іх цікавяць.

Чакаем новых сустрэч.

2014-12-02

Гутарка за кубкам гарбаты

27 лістапада студэнцкі савет інтэрната па вул. Убарэвіча, 20, сабраўся на традыцыйную сустрэчу , кааб абмеркаваць вынікі форуму студэнцкага актыву.

Студэнты абмеркавалі і прааналізавалі станоўчыя і спрэчныя сітуацыі, якія ўзніклі ўчас правядзення мерапрыемства. Была адзначана згуртаванасць нашай каманды, добразычлівае стаўленне да каманды з г.Ляхавічы, сяброўства і ўзаемапаразуменне паміж удзельнікамі з усіх каманд.

2014-12-02

Маладзёжны форум у БарДУ

Студэнцкі форум для лідараў студэнцкіх саветаў БарДУ адбыўся 12—13 лістапада.

Актывісты нашага інтэрната прымалі актыўны ўдзел у ім і не пашкадавалі аб гэтым. Час праляцеў хутка, а ўражанняў засталося вельмі многа…

Форум аб’яднаў і здружыў каманду, навучыў працаваць разам, хвалявацца і турбавацца за сяброў.

Мы — адна каманда, і любыя задачы нам па плячы!

2014-11-26

«Дым, які пазбаўляе здароўя»

У інтэрнаце па вул. Убарэвіча, 20, адкрылася выстава плакатаў «Дым, які пазбаўляе здароўя», прысвечаная Дню адмовы ад курэння.

Актывістамі інтэрната праведзена апытанне: «Цыгарэта ў тваім жыцці». Большасць студэнтаў адмоўна ставяцца да згубнай звычкі, а як ты ставішся да цыгарэты?

2014-11-25

Толькі у нас 20-ы цуд свету

У гэтым годзе сярод жыхароў інтэрната па вул. Убарэвіча, 20, шмат першакурснікаў. Як замацаваць правілы пражывання і адказаць на пытанне «А дзе …?» прыдумалі старшакурснікі з культурна-творчага сектара.

Дзве каманды – «Улад і партнёры» і «Смурфікі» — прыклалі нямала сіл, каб дайсці да фінішу па лабірынтах інтэрната.

А вынік – добры настрой і новыя сябры. Зараз студэнты дакладна ведаюць, дзе знаходзіцца 20-ы цуд свету – у інтэрнаце па вул. Убарэвіча, 20!

2014-10-24

Калі не я, то хто?

У год вызвалення Беларусі ад нямецкіх захопнікаў удзельнікі валанцёрскага атрада «Клопат», арганізаванага ў інтэрнаце па вул. Убарэвіча, 20, правялі працоўны дэсант «Калі не я, то хто?» па навядзенні парадку на мемарыяльных пляцоўках у памяць герояў-авіятараў, якія служылі ў г. Баранавічы.
Памяць пра герояў будзе жыць у нашых сэрцах!

2014-10-22

Валанцёрская акцыя атрада «Клопат»

1 кастрычніка адзначаецца Міжнародны дзень пажылых людзей – дзень дабра і павагі. Члены валанцёрскага атрада «Клопат» правялі акцыю у рамках гэтага дня. Валанцёры наведалі сталых людзей дома і павіншавалі іх, а таксама падаравалі жыхарам горада букеты, зробленыя сваімі рукамі. І сталыя людзі, і валанцёры атрымалі шмат пазітыўных эмоцый і добры настрой на ўвесь дзень.

2014-10-03

Першае знаёмства з інспектарам ІСН

Першае знаёмства з інспектарам па справах непаўналетніх Стахейка Кацярынай Віктараўнай прайшло ў інтэрнаце па вул. Убарэвіча, 20. Першакурснікі, якія прыйшлі на сустрэчу з інспектарам, даведаліся шмат важнай інфармацыі аб уздзеянні наркатычных рэчываў і магчымых наступствах іх ужывання. Не засталіся без увагі прысутных і пытанні аб крадзяжах, курэнні і іншых правапарушэннях, недапушчальных ў грамадстве і студэнцкім асяроддзі.

2014-10-03