Інтэрнат Убарэвіча, 20

«Простыя правілы здароўя»

Менавіта так называлася мерапрыемства, прысвечанае Дню прафілактыкі траўматызму, якое прайшло ў інтэрнаце па вул. Убарэвіча, 20.

У ходзе сустрэчы актывісты сектара здаровага ладу жыцця студэнцкага савета інтэрната расказвалі пра такія важныя рэчы, як правільныя звычкі і здаровае харчаванне. На сёння вельмі важна сачыць за сваім здароўем. Удзельнікаў мерапрыемства заклікалі сур’ёзна ставіцца да свайго харчавання і здароўя, а таксама адмовіцца ад шкодных звычак.

2018-12-21

Актуальны дыялог «Што значыць быць патрыётам?»

Актуальны дыялог «Што значыць быць патрыётам?» прайшоў у інтэрнаце па вул. Уборэвіча, 20, па ініцыятыве актыву студэнцкага савета інтэрната.

У ходзе мерапрыемства разглядаліся пытанні аб удзеле грамадзян у выбарчых кампаніях, пра службу ў войску, павазе да мінулага нашай краіны, аб талерантнасці.

2018-12-21

Бацькоўскі дом – пачатак пачаткаў

Родны дом, які ведаеш з самага нараджэння, — гэта тое месца, куды хочацца вяртацца зноў і зноў. Менавіта там заўсёды цёплы прыём, радасныя ўсмешкі і слёзы шчасця на вачах. Толькі там жывуць шчырая любоў, сапраўдная падтрымка і апора. Гэтая апора — нашы бацькі.

Сёння студэнты інфармацыйна-выдавецкага сектара студэнцкага савета інтэрната па вул.Убарэвіча, 20, правялі мерапрыемства «Бацькоўскі дом — пачатак пачаткаў», дзе нагадалі нам пра самае важнае ў жыцці кожнага чалавека месца, а таксама заклікалі не забываць пра сваіх родных і блізкіх.

2018-12-14

У інтэрнаце па вул.Убарэвіча, 18, быў праведзены вечар памяці, прысвечаны дню нараджэння першага Героя Беларусі Уладзіміра Мікалаевіча Карвата

23 мая 1996 года лётчык знішчальніка адвёў самалёт, які падаў, у бок ад вёсак Арабаўшчына і Вялікае Гацішча Баранавіцкага раёна.

Як многія кажуць: “Героямі не нараджаюцца, героямі становяцца”. А героем можа быць толькі самы годны чалавек, асабліва калі гэта герой цэлай краіны. Званне Героя Беларусі можна атрымаць толькі за выключныя заслугі перад усім беларускім народам. Званне «герой» павінна быць раўнасзначным таму, каб паставіць чалавеку помнік! Імя першага Героя Беларусі Уладзіміра Мікалаевіча Карвата павінна быць на слыху ў кожнага чалавека, яго павінен ведаць кожны беларус.

У ходзе мерапрыемства студэнты інтэрната паглядзелі відэаролік, прысвечаны памяці У.М. Карвата, і яшчэ раз пераканаліся, што, сапраўды, такіх людзей, якія пойдуць на смерць дзеля выратавання іншага чалавека, – адзінкі, і што такіх выдатных людзей, як У.М. Карват, трэба памятаць заўсёды! 

2018-11-30

Куды сыходзіць каханне?

А што такое каханне? Каханне — неад’емная частка чалавечага жыцця. Гэта як асаблівы від хваробы, толькі карысны. Яна праяўляецца з часам, напаўняючы асаблівую пасудзіну. Па меры напаўнення гэтай пасудзіны людзі становяцца больш шчаслівым. А як мы ведаем, чым больш людзі любяць адзін аднаго, тым шчаслівей яны становяцца.

Інфармацыйна-выдавецкім сектарам студэнцкага савета інтэрната па вул. Убарэвіча, 20, было праведзена мерапрыемства “Куды сыходзіць каханне?”, дзе студэнты шукалі адказы на пытанні: што такое каханне? Як зразумець, што ты кахаеш чалавека? Ці кожны чалавек здольны на каханне? Ці кожнаму ў жыцці наканавана пакахаць хоць раз? Студэнты актыўна прымалі ўдзел у абмеркаванні вышэйпералічаных пытанняў і ахвотна дзяліліся сваім меркаваннем.

Кожны з прысутных на дадзеным мерапрыемстве змог стаць часткай абмеркавання гэтай актуальнай у сучасным свеце тэмы. Спадзяемся, што час, праведзены  ў рамках “адкрытага мікрафона”, быў цікавым і карысным для моладзі.

2018-11-30

«СНІД – чума XXI стагоддзя» 

29 лістапада сектар здаровага ладу жыцця студэнцкага савета інтэрната па вул. Убарэвіча, 20, правёў відэалекторый «Што такое СНІД?». Дзе і калі з’явіўся СНІД? Як перадаецца СНІД? Мэта мерапрыемства – сфарміраваць памяркоўнае стаўленне да ВІЧ-інфіцыраваных людзей, а таксама выхаванне пачуцця адказнага стаўлення да сябе і здароўя блізкіх людзей.

2018-11-30

Акцыя «Цукерка — на цыгарэту»

Студэнты сектара здаровага ладу жыцця студэнцкага савета інтэрната па вул.Убарэвіча, 20 і валанцёрскага атрада «Клопат» правялі акцыю, прысвечаную Сусветнаму дню некурэння, дзе абменьвалі цыгарэту на цукерку. Таксама студэнты распавядалі пра шкоду курэння і заклікалі пазбавіцца ад гэтай згубнай звычкі.

2018-11-27

«Чалавек, асоба, грамадзянін»

У інтэрнаце па вул. Убарэвіча, 20, удзельнікі прававога сектара студэнцкага савета правялі мерапрыемства «Чалавек, асоба, грамадзянін», мэта якога — выхаваць павагу да сябе, да іншых людзей, садзейнічаць фарміраванню грамадзянскай пазіцыі.

У ходзе мерапрыемства студэнты раскрылі значэнне слоў «чалавек» і «грамадзянін». Быць чалавекам – гэта значыць не толькі быць «такім, як усе», валодаць усім, чым валодаюць іншыя, але і быць непаўторнай індывідуальнасцю з уласнымі густамі, інтарэсамі і здольнасцямі.

2018-11-22

«Бясшкоднага тытуню не бывае!»

Сусветная праблема барацьбы з тытунекурэннем была паднятая падчас лекторыя, арганізаванага сектарам здаровага ладу жыцця студэнцкага савета інтэрната па вул.Убарэвіча, 20.

Інфармацыйна-адукацыйны кірунак лекторыя звязаны з досыць сур’ёзнай распаўсюджанасцю тытунекурэння ў Беларусі. Штогод ад хвароб, звязаных з курэннем, паміраюць 15,5 тыс. жыхароў рэспублікі. Кожная выкураная цыгарэта скарачае жыццё чалавека на 14 хвілін, а курэнне ў цэлым скарачае працягласць жыцця на 5-7 гадоў. Гэтую інфармацыю стараліся данесці студэнтам у ходзе лекторыя. Відэаролік па дадзенай праблеме стаў лагічным завяршэннем мерапрыемства.

2018-11-15

«У кім сэрца ёсць — той павінен чуць час ...»

Эпіграфам інфармдайджэста «Урокі гісторыі», прысвечанага гадавіне Кастрычніцкай рэвалюцыі, сталі словы вялікага Восіпа Мандэльштама.

Пазнавальная прэзентацыя, падрыхтаваная студэнтамі прававога сектара студэнцкага савета інтэрната па вул. Убарэвіча, 20, апавядае пра апошнія этапы крызісу ўлады, падрыхтоўку і правядзенне ўзброенага паўстання ў Петраградзе, аб II З’ездзе Саветаў 25-27 кастрычніка 1917 года, чаму дэкрэт “Аб міры” прымаўся адным з самых першых на з’ездзе Саветаў, усталяванні новай улады ў Маскве.

Студэнты даведаліся пра новыя, невядомыя ім раней гістарычныя моманты.

2018-11-09