Інтэрнат Убарэвіча, 22

«ІППШ. Аб іх трэба ведаць» 

Да дня прафілактыкі інфекцый, якія перадаюцца палавым шляхам, у інтэрнаце па вул.Убарэвіча, 22, удзельнікамі сектара ЗЛЖ студэнцкага савета інтэрната было арганізавана мерапрыемства «Каханне рамантычнае, хвароба - не». Прысутныя на мерапрыемстве атрымалі інфармацыю пра спосабы абароны ад заражэння ІППШ і зрабілі выснову, што кожны з нас нясе адказнасць не толькі за сваё жыццё, але і за жыццё блізкага чалавека.

2017-02-17

Пішу табе, каханне маё

У Дзень святога Валянціна ў інтэрнаце па вул. Убарэвіча, 22, працавала рамантычная пошта «Пішу табе, каханне маё». Студэнтам была прадастаўлена магчымасць павіншаваць сваіх сяброў і сябровак са святам. У паветры лунала атмасфера кахання і шчасця, на душы было цёпла і радасна. Кожная паштоўка знайшла свайго адрасата. Сэрца атрымальнікаў напаўняліся каханнем, а на тварах з’яўляліся ўсмешкі.

2017-02-16

«Мы не маем права забываць ...»

Студэнты, якія пражываюць у інтэрнаце па вул.Убарэвіча, 22, 15 лютага ўсклалі кветкі да помніка воінам–інтэрнацыяналістам, аддаўшы даніну павагі ўдзельнікам падзей, якія адбываліся на афганскай вайне, бо ўсе яны з'яўляюцца героямі нашай краіны, і мы не маем права забываць пра іх мужнасць і адвагу.

Гонар і слава Вам, доблесныя абаронцы Айчыны!

2017-02-16

«Студсавет актывізуе працу» 

13 лютага адбылося планавае пасяджэнне студэнцкага савета інтэрната «Аб выніках работы за першае паўгоддзе і планаванне работы на другі семестр 2016/2017 навучальнага года». На пасяджэнні прысутнічала начальнік аддзела выхаваўчай работы з моладдзю І.С.Булыга, якая дала ацэнку рабоце актыву інтэрната і паставіла задачы на перспектыву.

2017-02-14

Каляда, Каляда! Адчыняй вароты!

З навагоднімі і каляднымі віншаваннямі здароўя, дабра і шчасця, песнямі, запалам і гумарам «калядная група» студэнтаў, якія пражываюць у інтэрнаце па вул. Убарэвіча, 22, прайшла з каляднай зоркай па інтэрнатах, каб пазнаёміць з традыцыямі беларускага народа, стварыць усім радасны настрой, зрабіць святочны час яркім і запамінальным.

2017-01-03

«Прыгажосць роднага краю» 

У інтэрнаце па вул.Убарэвіча, 22, падведзены вынікі фотаконкурса «Мой родны кут».

На конкурс прадстаўлены фотаработы студэнтаў з розных месцаў Беларусі, якія пражываюць у інтэрнаце. Гледзячы ў маленькае акенца фотакамеры, студэнты адкрылі вялікае акно ў маляўнічы свет сваіх родных мясцін, выказалі тонкія моманты прыгажосці роднага краю і любоў да родных мясцін. 

Работы Ткачук Наталлі, Лашчэўскай Дзіны, Лойка Вікторыі, Барэль Дзмітрыя, Новік Анастасіі, Екацярынінай Наталлі, Грушэвіч Маргарыты прызнаныя лепшымі і прадстаўлены на выставе, якая размешчана ў фае інтэрната.

2016-12-22

«Культурны чалавек - гэта той, хто трымаецца закона» 

У інтэрнаце па вул.Убарэвіча, 22, прайшоў дыспут аб прававой культуры асобы. Студэнты актыўна абмеркавалі пытанне аб правах чалавека і зрабілі выснову аб тым, што карыстацца сваімі правамі трэба так, каб не парушаць правы і свабоды іншых людзей. Менавіта прававая культура арыентуе асобу на выкананне законаў.

2016-12-19

Добрасуседскія адносіны ў інтэрнаце 

«Накрыем стол мы па-суседску» – пад такой назвай ў інтэрнаце па вул. Убарэвіча, 22, прайшло мерапрыемства, прымеркаванае да Дня добрасуседства – нацыянальнага туркменскага свята, у аснову якога закладзены адзін са спрадвечных нацыянальных туркменскіх звычаяў – дзяліцца хлебам-соллю з блізкімі суседзямі ў паўсядзённым жыцці.

Добрая традыцыя працягваць руку дапамогі ― гэта свайго роду мера чалавечых адносін, якая выяўляецца ў шчырай дружбе, гасціннасці, узаемаразуменні і падтрымцы. 

І гэта было выдатна. Нацыянальныя стравы, прэзентацыя, музычныя нумары яшчэ раз акунулі ўсіх у культурную спадчыну Туркменістана. Беларускія студэнты з задавальненнем раздзялілі свята сваіх суседзяў і накрылі стол у беларускім стылі, а ў падарунак выканалі беларускія народныя песні.

2016-12-12

СНІД не спіць!

1 снежня ― Сусветны дзень барацьбы са СНІДам. Да гэтай даты ў інтэрнаце па вул. Убарэвіча, 22, быў прымеркаваны тэматычны вечар «Мы супраць СНІДу». Прадстаўнікі сектара ЗЛЖ студэнцкага савета расказалі аб праблеме заражэння ВІЧ-інфекцыяй, праінфармавалі аб сродках абароны ад СНІДу і спосабах яго перадачы. А таксама быў прадэманстраваны фільм па тэме і разгадана крыжаванка.

Усе ўдзельнікі мерапрыемства прынялі актыўны ўдзел у абмеркаванні актуальнай праблемы.

2016-12-05

«НЕ пачынаейце курыць! Калі курыце - Кідайце!» 

Сектар здаровага ладу жыцця інтэрната па вул.Убарэвіча, 22, у чарговы раз сабраў аўдыторыю, каб павысіць узровень інфармаванасці па праблемах, звязаных з курэннем, паказаць шкодны ўплыў тытуню на арганізм чалавека. Прагляд сацыяльнага роліка «Шкода курэння. Жыццё-цыгарэта», лозунгі і буклеты пра шкоду курэння, бліц-апытанне «Што ты ведаеш пра курэнне?» яшчэ раз нагадалі пра разбуральны ўплыў курэння на арганізм чалавека.

2016-11-25