Інтэрнат Убарэвіча, 22

«Сумнае жыцце? Гэта не пра нас!»

Студэнцкая вечарына «Давайце пазнаёмімся!» сабрала шмат студэнтаў, якія пражываюць у інтэрнаце па вул.Убарэвіча, 22.

Завадныя і вясёлыя першакурснікі прайшлі прысвячэнне ў рады студэнтаў і ўліліся ў вялікую і моцную сям’ю – інтэрнат, а таксама мелі  магчымасць раскрыць свае таленты, адкрыць нешта новае для сябе і знайсці новых сяброў.

2016-10-05

«Вы не самотныя»

Стала добрай традыцыяй у студэнтаў інтэрната, якія пражываюць у інтэрнаце па вул. Убарэвіча, 22, праводзіць дабрачынную акцыю да Дня пажылых людзей.

У гэтым годзе студэнты наведалі людзей састарэлага ўзросту, уручылі салодкія падарункі і паабяцалі, што будуць наведваць іх і дапамагаць. Удзяліць увагу, паказаць, што сталыя людзі не самотныя ― асноўная мэта акцыі, бо ўвага, добрыя словы і проста прыемная кампанія так патрэбны старэйшаму пакаленню.

Восень жыцця павінна быць цёплай!

2016-10-05

«Урок здаровага ладу жыцця»

Урок здароўя «Вучымся жыць здорава» прайшоў у інтэрнаце па вул. Убарэвіча, 22. Кожны, хто прысутнічаў на мерапрыемстве, атрымаў карысную інфармацыю і яшчэ раз упэўніўся, што для падтрымання здароўя арганізма неабходна выкананне некалькіх нескладаных правіл: здаровае харчаванне, паўнацэнны адпачынак, адмова ад шкодных звычак і простая зарадка раніцай.

Вядзі здаровы лад жыцця!Зрабі сябе лепшым, і ў вачах іншых ты будзеш паважаным і паспяховым чалавекам ― такі дэвіз нашых студэнтаў!

2016-09-30

«Дадзены новы старт у новы навучальны год»

У інтэрнаце па вул. Убарэвіча, 22, сфарміраваны новы актыў інтэрната. На першым пасяджэнні студэнцкага савета аднагалосна старшынёй была абрана Шчэбет Надзея, студэнтка факультэта педагогікі і псіхалогіі.

Віншуем усіх «студсаветчыкаў»! Удачы, пазітыву, крэатыўных ідэй, творчых поспехаў!

2016-09-13

«Будзем жыць па правілах»

Жыцце ў інтэрнаце па вул. Убарэвіча, 22, у новым навучальным годзе пачалося з сустрэч студэнтаў з адміністрацыяй інтэрната, на якіх студэнты пазнаёміліся  з Правіламі ўнутранага распарадку ў студэнцкіх інтэрнатах і загадам “Аб дадатковых мерах па прафілактыцы і спыненні курэння ва ўніверсітэце”, іншымі дакументамі, якія рэгламентуюць правілы пражывання ў інтэрнаце.

2016-09-13

Інтэрнат – мой дом

Кампания па засяленню ў інтэрнат завяршылася.

Дзякуючы працы камісіі па жыллёва-бытавых пытаннях і студэнцкаму актыву інтэрната засяленне прайшло арганізавана і хутка.

Інтэрнат па вул. Убарэвіча, 22, стаў для шматлікіх студэнтаў другім родным домам, дзе іх чакаюць новыя знаёмствы, новае самастойнае, цікавае і дынамічнае жыцце. Мы рады вітаць усіх, хто засяліўся ў наш любімы інтэрнат!

2016-09-08

«У цэнтры ўвагі – выбары»

Цыкл мерапрыемстваў у рамках выбарчай кампаніі праходзіць у інтэрнаце па вул.Убарэвіча, 22. Студэнты вывучылі выбарчы кодэкс Рэспублікі Беларусь, атрымалі поўную і дакладную інфармацыю аб этапах выбарчага працэсу, пра месца знаходжання выбарчага ўчастка і азнаёміліся з перадвыбарнымі праграмамі кандыдатаў.

2016-09-08

«Галоўнае – зрабіць правільны выбар»

Датэрміновае галасаванне па выбарах дэпутатаў Парламента пачалося, і студэнты, якія пражываюць у інтэрнаце па вул.Убарэвіча, 22, актыўна ідуць на выбарчы участак і робяць свой выбар.

2016-09-08

Засялiлiся i пазнаёмiлiся!

У інтэрнаце па вул.Убарэвіча, 22, прайшла першая сустрэча студэнтаў-першакурснікаў.

Псіхалагічная гульня-знаёмства «Першакурснік! Хто я?» дазволіла першакурснікам пазнаёміцца, набыць новых сяброў, а галоўнае – уліцца ў вялікую дружную сям'ю - інтэрнат.

2016-09-07

Культура і мастацтва - зброя супраць фашызму

Змястоўная лекцыя-прэзентацыя прайшла ў інтэрнаце па вул.Убарэвіча, 22.

Работнік музычнай установы г.Баранавічы А.У.Філіпава распавяла студэнтам, якая роля ў дасягненні Перамогі належыць дзеячам культуры і мастацтва. З першых дзён вайны яны сталі найважнейшай ідэйнай і духоўнай зброяй у барацьбе з ворагам.

2016-05-25