Інтэрнат Убарэвіча, 22

«Жыві па правілах»

Урок прававых ведаў «Пра хачу і пра нельга» ў форме віктарыны правялі ў інтэрнаце па вул. Убарэвіча, 22.

У час мерапрыемства ў чарговы раз студэнты паўтарылі правілы ўнутранага распарадку ў інтэрнаце.

2015-02-25

«Перамагло Каханне!»

Напярэдадні Дня закаханых ў інтэрнаце па вул. Убарэвіча, 22, прайшоў цёплы, вясёлы, дружны вечар “Салодкая парачка”, старшынёй журы на якім быў сам святы Валянцін.

Лепшай была прызнана беларуска-туркменская пара Любоў і Раімкул. 

2015-02-19

«Жыві па закону»

Пад такім дэвізам праходзяць сустрэчы  супрацоўнікаў Баранавіцкага ГАУС з замежнымі навучэнцамі, якія пражываюць у інтэрнаце па вул. Убарэвіча, 22. На сустрэчах абмяркоўваюцца правілы паводзін як у інтэрнаце, так і у горадзе.

2015-02-04

«А што ТЫ зрабіў для прыроды?!»

На мерапрыемстве студэнты даведаліся вельмі шмат цікавых фактаў пра прыроду і аб тым, што можна зрабіць кожнаму чалавеку, каб захаваць яе. Кожны прысутны падзяліўся сваім вопытам, даў цікавыя і патрэбныя парады. 

2014-12-22

Тыя, хто падтрымліваюць адзін другога, ― не ўпадуць

«Мы любім адзін аднаго» — пад такой назвай прайшоў вечар сяброўства ў інтэрнаце па вул. Убарэвіча, 22, прысвечаны нацыянальнаму туркменскаму святу  — Дню дабрасуседства, якое сімвалізуе мір, сяброўства, памяркоўнасць, узаемаразуменне і ўзаемную падтрымку замежных і беларускіх студэнтаў.

2014-12-10

Студсавет працуе

У інтэрнаце па вул. Убарэвіча, 22, адбылося чарговае пасяджэнне студэнцкага савета інтэрната, на якім абмяркоўваліся пытанні прафілактыкі правапарушэнняў сярод студэнтаў, якія пражываюць у інтэрнаце.

На студсавет былі запрошаны студэнты, якія маюць выпадкі парушэнняў Правіл унутранага распарадку ў студэнцкіх інтэрнатах.

На пасяджэнні прысутнічалі начальнік аддзела выхаваўчай работы з моладдзю Т.С. Сцяцко і інспектар па справах непаўналетніх К.В. Стахейка.

2014-12-04

Пратэст СНІДу

«Мы супраць СНІДу» ― асноўны лозунг тэматычнага вечара, які адбыўся ў інтэрнаце па вул. Убарэвіча, 22, да Дня сусветнай барацьбы са СНІДам. Студэнты атрымалі інфармыцыю аб тым, што СНІД ― гэта самая страшная хвароба, з якой прыходзіцца змагацца ва ўсім свеце, і аб тым як зберагчы сябе ад сур’ёзных праблем цяпер і ў будучым.

2014-12-04

«Маральнасць і злачынства»

У інтэрнаце па вул. Убарэвіча, 22, адбыўся дыспут «Маральныя вытокі злачыннасці» ў рамках клуба «Ты і права — Табе аб праве».

Для абмеркавання былі прапанаваны сітуацыі, звязаныя з агрэсіўнымі паводзінамі маладых людзей, з крадзяжом дзяржаўнай маёмасці і іншыя прыклады на тэму сучасных нораваў.

Удзельнікі дыспуту спрабавалі знайсці адказы на пытанні, якія тлумачаць некантралюемыя паводзіны, і шукалі маральныя вытокі злачыннасці.

На мерапрыемстве прысутнічаў следчы ГАУС  г.Баранавічы А.І. Чарняўскі, які даў юрыдычную ацэнку меркаванням студэнтаў. Дыспут прайшоў ажыўлена і спрыяў выпрацоўцы ў студэнтаў ацэнкі сваіх паводзін.

2014-12-02

Думай! Вырашай! Дзейнічай!

У інтэрнаце па вул. Убарэвіча, 22, прайшла акцыя, якая заклікала ўсіх, хто курыць, кінуць курыць раз і назаўсёды. А тых, хто не курыць, заахвочвалі цукеркай, прапануючы: «З’еш цукерку замест цыгарэткі», бо курэнне шкодзіць здароўю. 

2014-11-27

Карысная сустрэча

24 лістапада адбылася сустрэча замежных студэнтаў з адміністрацыяй універсітэта, на якой рэктар універсітэта В. І. Качурка падзяліўся ўражаннямі аб паездцы ў Туркменістан. Таксама на сустрэчы студэнты мелі магчымасць задаць пытанні адміністрацыі ўніверсітэта.

2014-11-27