Інтэрнат Убарэвіча, 22

За каго дзяўчына замуж пойдзе?

27 сакавіка ўінтэрнаце павул.Убарэвіча, 22,адбылося мерапрыемства, прысвечанае Дню тэатра, у якім выступілі студэнты інтэрната з пастаноўкай па п'есе Янкі Купалы «Паўлінка». Хлопцы і дзяўчаты творча прадставілі гэтую мініяцюру, усё было вельмі цікава, пазнавальна і пазітыўна.

2014-03-28

Прачнуўся – прыбяры планету

13 сакавіка ў інтэрнаце па вул. Убарэвіча, 22,  прайшло мерапрыемства на экалагічную тэму пад лозунгам «Не дамо загінуць нашай планеце».

У ролі санітарнага ўрача, эколагаў і прадстаўнікоў ЖКГ выступілі студэнты Кучук Таццяна, Пілецкая Вікторыя, Васільева Марыя, Лікша Бажэна і Мішута Анастасія. Студэнтамі былі ўзняты найбольш актуальныя і вострыя праблемы забруджвання навакольнага асяроддзя і разгледжаны шляхі іх вырашэння.

Мерапрыемства было завершана наступнымі словамі: «Кожны з нас павінен разумець, што толькі справай можна даказаць сваю любоў да прыроды; давайце будзем мудрымі і неабыякавымі гаспадарамі ў нашым зямным доме».

2014-03-14

Студэнтам сумаваць не даводзіцца

11 сакавіка ў інтэрнаце па вул. Убарэвіча, 22, адбылося спаборніцтва паміж камандамі жыльцоў блокаў 109, 115, 203 і 511: «Рамонкі», «Бацькі», «Пісталет» па камп’ютарнай гульні Counter-Strike 1.6, якое стала ўжо традыцыйным. Арганізатары, студэнты інжынернага факультэта Мяшкоў Андрэй, Лазука Данііл і Масла Аляксей, творча падышлі да працэсу гульні. Нягледзячы на саперніцтва, атмасфера на мерапрыемстве была па-сяброўску цёплай.

Па выніках спаборніцтва пераможцам стала каманда «Бацькі » ў складзе студэнтаў Бубніковіча Аляксандра, Лёліча Аляксандра, Літоўчыка Дзяніса, Рачкалава Мікіты і Орсіка Тараса.

2014-03-13

Самая прыгожая дзяўчына інтэрната

Надышла вясна, і прыйшоў час традыцыйнага конкурсу, які выяўляе самую прыгожую дзяўчыну інтэрната па вул. Убарэвіча, 22,  «Каралева вясна-2014». У гэтым годзе пераможцай стала студэнтка факультэта эканомікі і права Глазунова Вольга, якая з'явілася ўвасабленнем прыгажосці, вясны і зачаравання.

2014-03-11

Будучыня пачынаецца сёння!!!

Да такой высновы прыйшлі студэнты, якія пражываюць у інтэрнаце па вул.Убарэвіча,22, наведаўшы цікавую гутарку з урачом-гінеколагам Н.С.Сянкевіч. Былі атрыманы адказы на шматлікія «далікатныя» пытанні.

Вечар атрымаўся пазнавальным і цікавым,бо будучыня пачынаецца сёння!

2014-02-28

Анатомія патрыятызму

Напярэдані Дня абаронцы Айчыны ў інтэрнаце па вул. Убарэвіча, 22, студэнты прынялі ўдзел у дыспуце «Анатомія патрыятызму». Прысутныя мелі магчымасць выказаць сваё гледжанне на пытанні «Што мы разумеем  пад патрыятызмам і каго можна назваць патрыётам?», «Ці мае на ўвазе патрыятызм выключнае праслаўленне свайго мінулага і будучага або гэта нешта іншае?» і інш.

Студэнты мелі магчымасць паразмаўляць з сапраўднымі абаронцамі Айчыны: ветэранам 203-га Гвардзейскага Арлоўскага палка Лясіным В.Г., ветэранам-афганцам Кардашам У.У. Паэтэса горада Баранавічы Шувалава Л.А. прачытала цудоўныя вершы, прысвечаныя подзвігу лётчыкаў у гады Вялікай Айчыннай вайны і подзвігу лётчыкаў А.Жураўлевіча і А.Марфіцкага, уратаваўшых мірнае насельніцтва ў час авіашоў у польскім горадзе Радаме.

2014-02-28

«Паэзія кахання і прыгажосці»

Тэма кахання — адна з вядучых у сусветнай літаратуры са старажытных часоў і да цяперашнега часу, і гэта вядома кожнаму. Гэтая тэма закранута ў твочасці таленавітых жанчын-паэтэс – Л. А. Шувалавай, Г. І. Ліс, Р. М. Раманчук, якія прысутнічалі на нашым мерапрыемстве «Паэзія кахання і прыгажосці» і падзяліліся з намі сваімі разважаннямі, думкамі і пачуццямі, якія перапаўняюць іх творчую натуру.

Іх вершы і меркаванні не пакінулі ніводнага з прысутных юнакоў і дзяўчат абыякавымі, бо ўсе словы, якія былі пачуты, прасякнуты непадробнай шчырасцю, праўдзівасцю і глыбокім сэнсам.

Атмасфера, якая панавала на мерапрыемстве, была вельмі цёплай і дружалюбнай. Гэта з лёгкасцю можна было зразумець па зацікаўленых тварах моладзі.

2014-02-19

10 нагод закахацца

Кожны год у інтэрнаце па вул.Убарэвіча, 22, з'яўляецца белакрылы прыгожы анёл. 14 лютага сышла з нябёсаў да нас гэтая выдатная істота, якая нясе радасць і каханне ўсім людзям. Анёл падарыў студэнтам мора станоўчых эмоцый і цудоўны настрой.

Наступны Дзень закаханых стане чарговай нагодай для сустрэчы. Мы будзем чакаць гэтай чароўнай падзеі.

2014-02-19

«Добры вечар! Шчодры вечар!»

З года ў год стала добрай традыцыяй у студэнтаў, якія з’яўляюцца членамі клуба «Вяртанне да вытокаў» (кіраўнік Таццяна Радомская), віншаваць з Новым годам па старому стылю 13 і 14 студзеня абрадам «Шчодры вечар» сваіх сусядзяў па пакоях, этажах, у суседніх інтэрнатах. Народныя традыцыі на тое і традыцыі, каб яны прадаўжалі жыць і захоўвалі нашу самабытнасць, нашу родную мову і культуру.

Актыўнымі і яркімі выканаўцамі роляў калядавання былі студэнты: Вялічка Вераніка, Богдан Арцём, Малевіч Таццяна.

Дапамогу ў арганізацыі калядак аказваюць кіраўнік клуба «Вяртанне да вытокаў» і выхавацелі інтэрната Бурэнка Марына Міхайлаўна і Жываглядава Людміла Маркаўна.

Па беларускіх традыцыях калядоўшчыкі павіншавалі і туркменскіх студэнтаў.

2014-01-17

Святочны настрой стварылі студэнты ў інтэрнаце па вул. Убарэвіча, 22

Конкурс на ўпрыгожванне блокаў да навагодніх святаў ужо ўвайшоў у традыцыю ў інтэрнаце па вул. Убарэвіча, 22. Гэты Новы год не стаў выключэннем. Студэнты стварылі калядны настрой ў навучальныя будні.

2014-01-15