Інтэрнат Убарэвіча, 22

Я і закон

12 снежня 2013 г. у інтэрнаце па вул. Убарэвіча, 22, члены студэнцкага савета правялі віктарыну, прысвечаную дню прыняцця Усеагульнай дэкларацыі правоў чалавека. Мэтай мерапрыемства было фарміраванне прававой граматнасці студэнтаў.

Удзельнікі, а таксама гледачы віктарыны былі даволі добра інфармаванымі не толькі пра свае правы, але і абавязкі. Самым цяжкимі, а таму і самым цікавым было пытанне на веданне п. 3.3.2 Правілаў унутранага распарадку нашага ўніверсітэта, згодна з якім студэнты павінны паважаць выкладчыкаў, у тым ліку пры ўваходзе выкладчыка ў аўдыторыю стоячы вітаць яго.

Нягледзячы на цяжкі бой паміж сектарамі, веды студэнтаў аказаліся аднолькавымі.

2013-12-18

«Я плюс ТЫ мінус ВІЧ»

3 снежня ў інтэрнаце па вул. Убарэвіча, 22, студэнцкі савет правёў пазнавальную гутарку «Я плюс ТЫ мінус ВІЧ».
Вядучыя задавалі пытанні аўдыторыі, прапаноўвалі тэставыя заданні, давалі парады па захаванню здароўя, а таксама звярнулі ўвагу жыхароў інтэрната на духоўнае здароўе як адну з састаўных частак здароўя чалавека, якая забяспечвае фарміраванне і станаўленне чалавека як асобы.

2013-12-06

«Жыццё без наркотыкаў»

Да Міжнароднага дня барацьбы са СНIДам у інтэрнаце па вул. Убарэвіча, 22, арганізавана выстава «Жыццё без наркотыкаў». Плакаты і газеты, выпушчаныя студэнтамі, не пакінулі абыякавымі жыхароў інтэрната.
Мы за здаровы лад жыцця!

2013-12-04

«Чалавек ― стваральнік сваёй асобы»

Дыскусія на гэтую тэму была праведзена ў інтэрнаце па вул. Убарэвіча, 22. У мерапрыемстве прынялі ўдзел студэнты, якія пражываюць у інтэрнаце, а таксама выхавальнік інтэрната і псіхолаг універсітэта.

У ходзе дыскусіі абмяркоўваліся пытанні, якія закранаюць працэс станаўлення чалавека як асобы, выносіліся на абмеркаванне ўдзельнікамі такія паняцці, як «асоба», «індывід», «індывідуальнасць», а таксама разглядаліся наступныя праблемы: фарміраванне асобы , месца чалавека ў грамадстве і ўплыў сацыяльных фактараў на фарміраванне чалавека як асобы.

Для ўдзельнікаў дыскусіі была падрыхтавана мультымедыйная прэзентацыя.

2013-11-26

«Дым, які шкодзіць здароўю»

Так называлася выстава плакатаў, прысвечаная дню некурэння, якая размяшчалася на трэцім паверсе інтэрната па вул. Убарэвіча, 22. Выстава была арганізавана з мэтай паказаць студэнтам шкоду гэтай дрэннай звычкі і дапамагчы ім зрабіць выбар на карысць здаровага ладу жыцця.

Выстава дапамагла пераканаць студэнтаў у неабходнасці прытрымлівацца здаровага ладу жыцця, і ў тым, што здароўе — адна з найважнейшых жыццёвых каштоўнасцяў чалавека, залог яго дабрабыту.

Якую ж выснову зрабілі студэнты?

• Калі вы не курыце ― не пачынайце курыць!
• Калі вы курыце ― пастарайцеся адмовіцца  ад гэтай звычкі!
• Калі людзі, якімі вы даражыце, кураць, ― дапамажыце ім пазбавіцца ад гэтага!

2013-11-22

«Студэнты маюць таленты»

Пазітыў-шоў да Дня студэнта «Студэнты маюць таленты», якое прайшло ў танцавальнай зале інтэрната па вул. Убарэвіча, 22, паказала – таленты сапраўды ёсць, ды яшчэ якія! Спевакі, танцоры і нават майстры арыгінальнага жанру.
Для рэалізацыі творчых праектаў у інтэрнатах універсітэта створаны ўсе ўмовы. Смялей праяўляйце свае таленты, і Вас ацэняць!

2013-11-22

Форт Баярд па-беларуску

Шмат цікавых падзей адбываецца ў інтэрнаце па ініцыятыве студэнцкага актыва. І адна з іх ― гульня «Форт Баярд» ― праводзілася на тэрыторыі студэнцкага гарадка па вул. Войкава. У склад каманд уваходзілі беларускія студэнты і студэнты з Туркменістана, якія ў конкурсах дэманстравалі свае фізічныя і інтэлектуальныя магчымасці. У гульні не было прайграўшых. Перамаглі спорт, сяброўства, маладосць!

2013-11-08

Эканомія і беражлівасць — галоўныя фактары эканамічнай бяспекі

30 кастрычніка ў інтэрнаце па вул. Убарэвіча, 22, прайшла інтэлектуальная гульня ў форме дэбатаў па Дырэктыве Прэзідэнта Рэспублікі №3 Беларусь ад 14 ліпеня 2007 г. «Эканомія і беражлівасць — галоўныя фактары эканамічнай бяспекі дзяржавы».

Вядучы дэбатаў прапанаваў тры тэзісы: «Рэальна павялічыць аб’ём электрычнай і цеплавой энэргіі за кошт выкарыстання мясцовых відаў паліва»; «Міні-ЦЭЦ. У іх ёсць будучыня»; «Беларуская АЭС. За і супраць». Студэнты-«спікеры» з боку «ўрада» і «апазіцыі» грунтоўна падрыхтаваліся да абмеркавання праблемы, а гледачы адзначылі, што размова актуальная, і задавалі хвалюючыя пытанні. Найбольш спрэчныя моманты вырашала эксперт-суддзя Бондар Марыя Уладзіміраўна.

Дэбаты сфарміравалі ў студэнтаў больш свядомыя адносіны да выкарыстання энергетычных рэсурсаў.

2013-11-06

Шахматна-шашачны турнір адбыўся сярод студэнтаў Беларусі і Туркменістана

24 кастрычніка адбыўся турнір па шахматах і шашках сярод студэнтаў Туркменістана і Беларусі. Студэнты прынялі актыўны ўдзел у спаборніцтвах. Кожны выбіраў гульню па сваіх інтарэсах. Было праведзена шмат цікавых і захапляльных партый і ў шахматы, і ў шашкі. Удзельнікаў спаборніцтваў падтрымлівалі іх балельшчыкі. Барацьба была доўгай і напружанай, але ў выніку перамагло сяброўства. Віншуем!

2013-10-30

На жаль, Дзень нараджэння...

15 кастрычніка – «Дзень нараджэння» інтэрната па вул. Убарэвіча, 22. Сёлетні год – юбілейны, паколькі спаўняецца 5 гадоў з дня яго адкрыцця. У гэты дзень у інтэрнаце прайшоў святочны канцэрт. Студэнты і супрацоўнікі інтэрната ўспомнілі гісторыю, парадаваліся талентам-навічкам, а заключным акордам стала дыскатэка. Было вельмі цікава і весела.
Свята надоўга запомніцца гасцям і жыхарам інтэрната.
Дзякуй арганізатарам!

2013-10-21