Інтэрнат Убарэвіча, 22

Галоўнае прызначэнне жанчыны – быць маці!

14 кастрычніка ў інтэрнаце па вул.Убарэвіча,22, адбыўся літаратурна-музычны вечар, прысвечаны Дню маці. Шмат цудоўных слоў было выказана ў гэты цёплы кастрычніцкі вечар пра жанчыну, пра маці. Гучала класіка: выказванні Ж.-Ж.Русо, Л.Талстога, Я.Коласа; вершы Р.Гамзатава, А.Куляшова і інш. Увага студэнтаў была звернута і на праблему сіроцтва ў нашым грамадстве.
Удзельнікі мерапрыемства маглі выказаць сваю думку па пытанні – чаму не кожная жанчына, якая нарадзіла дзіця, стала аплотам і залогам усяго яго жыцця? Студэнт з Туркменістана Авязаў Магтымгулы паведаміў пра адносіны да мацярынства ў яго краіне.
Мерапрыемства дало магчымасць яшчэ раз задумацца аб галоўным прызначэнні жанчыны — быць маці.

2013-10-21

Пачаў работу валанцёрскі атрад «Клопат»

У інтэрнаце па вул. Убарэвіча, 22, пачаў працу валанцёрскі атрад «Клопат». Студэнтамі была праведзена акцыя «Вам – цяпло нашых сэрцаў». З вялікай радасцю пажаданні здароўя, даўгалецця, нязгаслага аптымізму атрымалі сталыя жыхары нашага горада!

2013-10-14

Экскурсія ў Мірскі замак

Студэнты-актывісты, якія пражываюць у інтэрнаце па вул. Убарэвіча, 22, прыгожа адпачываць ўмеюць. І доказам гэтаму можа паслужыць экскурсія ў музейны комплекс «Мірскі замак». Удзельнікі экскурсіі атрымалі масу станоўчых эмоцый і мора пазітыву!

2013-10-09

Студэнты наведалі забаўляльны цэнтр з боўлінгам

Студэнты, якія пражываюць у інтэрнаце па вул. Убарэвіча,22, наведалі забаўляльны цэнтр з боўлінгам, які знаходзіцца ў Лядовым палацы. Усе акунуліся ў цёплую, сяброўскую атмасферу, атрымаўшы на выхадзе толькі пазітыўныя эмоцыі!

Сяргей Кірылюк: «Мае ўражанні: Усё было выдатна, мне ўсё спадабалася, я рады, што схадзілі з актывістамі студэнцкага савета, адпачылі, развеяліся, думаю, гэта не ў апошні раз. Усім дзякуй».

Аляксандр Юрчык: «Было класна сабрацца ўсім актывам у такіх нефармальных абставінах. Час праляцеў незаўважна. Дзякуй Пашы Гарбару за ідэю і арганізацыю!»

Дзіяна Русакевіч: «Звычайныя будні разбавіў паход у боўлінг, дзе выдатна правяла час са студэнцкім актывам інтэрната. Настрой у атмасферы станоўчых эмоцый быў выдатным. Дзякуй усім за такі арганізаваны адпачынак, часцей бы так весела і цікава праводзіць свой вольны час».

Наталля Міхаленя: «Уражанні проста супер! Каласальны зарад пазітыву!»

Павел Гарбар: «Боўлінг – цікавая і выдатная гульня, якая не толькі весяліць, але і збліжае. Мне вельмі спадабалася, прыемна было бачыць шчаслівыя твары ўсіх, асабліва Марыны Міхайлаўны, вочы ва ўсіх ззялі, а значыць, усім вельмі спадабалася, і што абавязкова трэба паўтарыць».

2013-04-10

Тэматычны вечар «Эстэтыка і этыкет беларускай гасціннасці»

4 красавіка ў інтэрнаце па вул.Убарэвіча,22 адбыўся тэматычны вечар пад назвай «Эстэтыка і этыкет беларускай гасціннасці». На мерапрыемстве прысутнічалі студэнты, якія пражываюць у інтэрнаце і госці, вучаніцы ліцэя №1, дзякуючы якім гэты вечар стаў цікавай і яркай падзеяй для ўсіх запрошаных. На мерапрыемстве гледачам прадставілася ўнікальная магчымасць паслухаць беларускія народныя песні, прасякнуцца прыгажосцю і вытанчанасцю беларускага танца, а таксама папоўніць свае веды пра беларускую культуру.

2013-04-08

Сустрэча з урачом А.І.Клімавай

У інтэрнаце па вул.Убарэвіча,22 арганізавана сустрэча з урачом А.І.Клімавай на тэму здаровага ладу жыцця. Урач прачытала лекцыю пра захворванні, якія перадаюцца палавым шляхам і венерычныя хваробы.

2013-04-03

Сустрэча з урачом наркалагічнага дыспансера г.Баранавічы С.М.Залесскай

У інтэрнаце па вул.Убарэвіча,22 адбылася сустрэча з урачом наркалагічнага дыспансера г.Баранавічы С.М.Залесскай у рамках Сусветнага дня прафілактыкі наркатычнай залежнасці.

Студэнты атрымалі шмат новай інфармацыі аб прыметах паводзін і стану наркатычна залежных людзей, а таксама пра праблемы са здароўем, якія з'яўляюцца вынікам прымянення псіхатропных рэчываў.

Студэнты дзякуюць педагога- псіхолага А.В.Міхновіч за арганізацыю цікавай гутаркі.

2013-04-03

Гульня-конкурс «Поле цудаў» на тэму «Малочная краіна»

Сектар здаровага ладу жыцця правёў гульню-конкурс «Поле цудаў» на тэму «Малочная краіна». Студэнты з задавальненнем прымалі ўдзел у мерапрыемстве, за што і былі ўзнагароджаны смачнай малочнай прадукцыяй.

2013-04-03

Дзень яднання народаў Расіі і Беларусі

2 красавіка адзначаўся Дзень яднання народаў Расіі і Беларусі. У гэты дзень 17 гадоў назад быў падпісаны Дагавор аб утварэнні Саюза Расіі і Беларусі, які паклаў пачатак будаўніцтву Саюзнай дзяржавы. Дзень яднання сімвалізуе духоўную, гістарычную і культурную блізасць расіян і беларусаў. У гэты дзень у інтэрнаце па вул.Убарэвіча,22 праходзіла гутарка-лекцыя «Дзень яднання Беларусі і Расіі. Духоўнае яднанне двух народаў». Арганізатары мерапрыемства расказалі слухачам пра народныя промыслы і саборы Беларусі і Расіі. Асабліва студэнтам спадабалася інфармацыя аб савецкіх цацках, якія былі яркімі і экалагічна чыстымі. Вынікі мерапрыемства былі падагульнены чатырохрадкоўем:

Нас не сломали ни враг, ни стихия.
Вместе окрепли в борьбе и в беде.
Жить Беларуси в союзе с Россией -
В мирном и ратном труде.

2013-04-02

Дзень смеху

1 красавіка ў інтэрнаце па вул.Убарэвіча,22 адбылася рэтра-вечарына «Old school party» перыяду «нулявых». Усе мы любім успамінаць свае дзіцячыя годы, музыку, якая нас натхняла… Таму мы і арганізавалі такое мерапрыемства, якое дапамагло нам акунуцца ў тую атмасферу, перажыць яшчэ раз тыя эмоцыі. Для уваходу на вечарыну быў устаноўлены дрэс-код: яркае і стыльнае адзенне таго часу, якога ўсе студэнты прытрымліваліся. Мерапрыемства прайшло весела, ярка і годна. Таксама выступалі студэнты з падрыхтаванымі нумарамі. І яшчэ 1 красавіка прайшоў відэаконкурс паміж паверхамі! А пераможцамі сталі студэнты 2 паверха! Шчыра віншуем іх! Арганізатарам мерапрыемства выказваем вялікую падзяку!

2013-04-01