Навiны

Гала-канцэрт фіналістаў універсітэцкага праекта-конкурсу адбыўся 30 кастрычніка ў Палацы культуры «Тэкстыльшчык». Падрыхтоўка конкурсных праграм факультэтаў не пакінула абыякавымі не толькі першакурснікаў, але і студэнтаў старэйшых курсаў. Бо менавіта яны, студэнты-ўдзельнікі крэатыў-каманд, ва ўзаемадзеянні з супрацоўнікамі студэнцкага культурна-творчага цэнтра сталі галоўнымі арганізатарамі канцэртных праграм першакурснікаў сваіх факультэтаў. Пераможцы вызначаліся ў розных намінацыях, і кампетэнтнаму журы прыйшлося папрацаваць, вырашаючы складаную задачу - выявіць лепшых сярод велізарнай колькасці таленавітых студэнтаў. Як адзначыла аўтар канцэпцыі ўніверсітэцкага праекта-конкурсу «Таленты БарДУ», дырэктар студэнцкага культурна-творчага цэнтра Г.У.Грэзе, пераможаных ў конкурсе не было. «Студэнцтва тым і выдатна, што ёсць магчымасць паспрабаваць свае здольнасці ў розных відах дзейнасці, а праект-конкурс год за годам дапамагае ў станаўленні маладых людзей, якія папаўняюць творчую скарбонку ўніверсітэта», - сказала яна. Канкурсанты не толькі імкнуліся максімальна праявіць таленты, але і праз прызму творчасці выказаць любоў і павагу да ўніверсітэта, які стаў на наступныя гады іх другім домам. Арганізатараў конкурсу парадавала, што ў праекце ўдзельнічалі і замежныя студэнты. Так, студэнт з Казахстана, Алжас, падарыў гледачам песню на сваёй роднай мове аб прыгожых дзяўчатах і стаў уладальнікам дыплома ІІ ступені. У намінацыі «канферанс», згодна з рашэннем журы, лепшымі сталі студэнты інжынернага факультэта - Міхаіл Буйкевіч і Аляксей Прохараў, дыплом ІІ ступені ў Ангеліны Казека і Віталя Плыткевіча (факультэт славянскіх і германскіх моў).
У харэаграфічнай намінацыі лепшым стаў Раман Шыманскі, а ў вакальнай (эстрадная песня) дыплом І ступені журы аднагалосна прысудзіла квартэту «Квадра». У выкананні народнай песні роўных не было студэнтцы факультэта славянскіх і германскіх моў Вользе Кашча, якая не толькі задорна выканала песню пра нацыянальную беларускую страву дранікі, але і пачаставала імі журы і гледачоў. Нікога не пакінулі абыякавымі калекцыі тэатраў мод факультэтаў, распрацаваныя юнымі мадэльерамі. А гумарыстычная група «Боршч» студэнтаў факультэта эканомікі і права сваімі жартоўнымі тэатральнымі пастаноўкамі развесяліць ўсіх гледачоў у зале. Дарэчы, візітоўка крэатыў-каманды факультэта эканомікі і права была прызнана лепшай сярод чатырох факультэтаў універсітэта. Фінальным акордам свята стала цырымонія ўзнагароджання пераможцаў у кожнай намінацыі. Маладыя таленты прымалі віншаванні, а таксама сувеніры і дыпломы ад рэктара ўніверсітэта прафесара В.І.Качурка, які падзякаваў усім удзельнікам праекта і адзначыў, што выступленні студэнтаў парадавалі ўсіх гледачоў у зале, і далі магчымасць атрымаць асалоду ад талента і творчасці. Спецыяльныя прызы былі ўручаны і ад партнёраў гала-канцэрту: Баранавіцкай гарадской арганізацыі Рэспубліканскага грамадскага аб'яднання «Белая Русь», сеткі салонаў сотавай сувязі «СВ-радыё» і кампаніі «Арыфлэйм».