Навiны

29 мая 2013 года ва ўстанове адукацыі "Баранавіцкі дзяржаўны ўніверсітэт" быў праведзены круглы стол на тэму "31 мая - Сусветны дзень без тытуню", прысвечаны Сусветнаму дню без тытуню ў межах абласной інфармацыйна-адукацыйнай акцыі "Брэстчына без тытуню". У мерапрыемстве прынялі ўдзел урач-валеолог Баранавіцкага ЗЦГіЭ Л.М.Кіслая, урач-псіхатэрапеўт псіханеўралагічнага дыспансера А.Э.Навіцкая, старшы інспектар прафілактыкі А.І.Паплаўскі, педагогі сацыяльныя аддзела выхаваўчай работы з моладдзю ўніверсітэта А.Т.Дробат, І.С.Булыга. Увазе студэнтаў факультэта педагогікі і псіхалогіі і факультэта славянскіх і германскіх моў былі прадстаўлены выступленні на тэмы "Праблемы тытунёвай залежнасці і асноўныя кірункі антытытунёвай дзейнасці ў Рэспубліцы Беларусь", "Адміністрацыйная адказнасць за курэнне ва неўстаноўленых месцах", "Рэкамендацыі па пераадоленні тытунёвай залежнасці", прапанаваны да прагляду і абмеркавання фільм "Праўда пра тытунь", які не пакінуў удзельнікаў круглага стала абыякавымі.

Такая форма працы па прафілактыцы сацыяльна-значных захворванняў сярод моладзі, прапагандзе здаровага ладу жыцця актыўна практыкуецца супрацоўнікамі Цэнтра. Магчымасць непасрэдных зносін маладых людзей з медыцынскімі супрацоўнікамі, атрыманне адказаў на ўсе пытанні, якія цікавяць іх, карысныя парады - даўно даказалі эфектыўнасць такога роду мерапрыемстваў.