БарДУ. Навiны

Спартыўным клубам сумесна з кафедрай тэорыі і практыкі фізічнай культуры 10 верасня быў арганізаваны і праведзены фестываль «СПОРТ ДЛЯ ЎСІХ» сярод студэнтаў I курса

Мэта такога мерапрыемства - арганізацыя вольнага часу і паляпшэнне здароўя студэнтаў. Фестываль праходзіў на спартыўных пляцоўках па вул. Паркавай, 62. У спаборніцтвах прымалі ўдзел зборныя каманды I курса ўсіх факультэтаў. Студэнты спаборнічалі ў пяці відах спорту: перацягванне каната, валейбол, баскетбол 3х3, футбол і тэніс настольны (асабістае першынство).

Па выніках правядзення спаборніцтваў па розных відах спорту месцы размеркаваліся наступным чынам:

Пераможцамі сталі:

Каманда інжынернага факультэта ў перацягванні каната;
Каманда дзяўчат і юнакоў факультэта педагогікі і псіхалогіі ў спаборніцтвах па валейболе;
Каманда дзяўчат факультэта педагогікі і псіхалогіі і каманда юнакоў інжынернага факультэта ў спаборніцтвах па баскетболе;
Каманда інжынернага факультэта ў спаборніцтвах па футболе.

У тэнісе настольным (асабістае першынство) месцы размеркаваліся наступным чынам:

Дзяўчыны		Юнакі
1-е месца	Кацярына Сасім (ФПП)	1-е месца	Юрый Абрамчук (ФПП)
2-е месца	Алёна МЕЛЮХ (ФСГЯ)	2-е месца	Мікалай Клімко (ІФ)
3-е месца	Алёна Сярогіна (ФПП)	3-е месца	Ігар Губараў (ІФ)