Анонс мерапрыемстваў

Праграма Фулбрайт «Запрошаны прафесар»

Праграма разлічана на даследчыкаў, выкладчыкаў і экспертаў з устаноў Рэспублікі Беларусь, якія жадаюць праводзіць постдысертацыйныя даследаванні, чытаць лекцыі або сумяшчаць чытанне лекцый і правядзенне даследаванняў у ЗША.

Працягласць праграмы - 3-6 месяцаў.

Кандыдаты павінны быць супрацоўнікамі ўстаноў вышэйшай адукацыі або даследчых арганізацый Рэспублікі Беларусі. Перавага аддаецца кандыдатам, здольным і жадаючым праводзіць даследаванні і чытаць лекцыі ва ўніверсітэтах ЗША, а таксама падзяліцца атрыманым вопытам пасля вяртання ў Рэспублiку Беларусь. Стыпендыяты Фулбрайт з'яўляюцца пасламі культуры, такім чынам, павінны быць гатовыя прадставіць сваю краіну і яе культуру.

Патрабаванні да кандыдатаў:

• быць грамадзянінам Рэспублікі Беларусь;
• быць кандыдатам ці доктарам навук;
• свабодна валодаць англійскай мовай;
• не мець медыцынскіх супрацьпаказанняў.

Галіна вывучэння:

• Сельская гаспадарка
• Краіназнаўства. Амерыка
• Біялогія
• Бізнес-адміністраванне
• Хімія
• Псіхалогія
• Эканоміка
• Педагогіка
• Iнжынерыя
• Прыродазнаўства
• Даследаванні кіно
• Гісторыя
• IT-тэхналогіі
• Журналістыка
• Права
• Бібліяграфія
• Матэматыка
• Медыцына
• Фізіка
• Паліталогія
• Дзяржаўнае кіраванне
• Ахова здароўя
• Сацыяльная работа
• Сацыялогія
• Выкладанне англійскай мовы як замежнай
• Тэатр
• Гарадское планаванне

Фінансаванне
Праграма цалкам фінансуецца Дзяржаўным Дэпартаментам ЗША і пакрывае наступнае:

• авіябілеты;
• штомесячную стыпендыю;
• прафесійныя выплаты;
• пражыванне;
• знаходжанне;
• страхоўку.

УВАГА!
Прапановы ад факультэтаў па спісе кандыдатур даць да 6 лістапада прарэктару па навуковай рабоце.
Рэгістрацыю ажыццяўляць толькі пасля ўзгаднення кандыдатур!

Падача заяўкі ажыццяўляецца анлайн https://apply.embark.com/student/fulbright/scholars

Заяўка павінна ўключаць наступнае:

• дэталёвае апісанне плануемай ў ЗША дзейнасці;
• падрабязнае рэзюмэ;
• 3 рэкамендацыйныя лісты;
• бібліяграфію;
• запрашэнне з абранага амерыканскага ўніверсітэта;
• ксеракопію дакумента аб прысваенні ступені;
• копію пашпарта.

Тэрмін падачы заявак - не пазней за 15 лістапада 2017 года.

Інтэрв'ю з кандыдатамі адбудзецца ў снежні, канчатковы адбор - у пачатку 2018 года.

Праграма Фулбрайт. Развіццё факультэта 2018-2019

Праграма развіцця дае наступныя магчымасці:

• распрацоўваць новыя курсы і ўжываць іх у навучальным працэсе;
• здабываць новыя навыкі і тэхнікі, заснаваныя на ўласных назіраннях і вывучэнні амерыканскіх адукацыйных методык;
• пашыраць веды ў сваёй галіне;
• наладжваць новыя сувязі.

Патрабаванні да кандыдатаў
Кандыдат павінен:

• быць пастаянным жыхаром Рэспублікі Беларусь;
• мець акадэмічную ступень;
• быць прадстаўніком ПВС установы вышэйшай адукацыі;
• мець досвед працы ва ўстанове вышэйшай адукацыі не менш за 2 гады на момант падачы заяўкі;
• прафесійна валодаць вуснай і пісьмовай англійскай мовай (здаць тэст TOEFL).

Праграма разлічана на 1 семестр, аглядны курс, збор матэрыялаў, наведванне канферэнцый, супрацоўніцтва з амерыканскімі калегамі, паказ прэзентацый; праграма прапануе стыпендыі ў любых адукацыйных галінах.

Праграма прадугледжвае фармальную прыналежнасць да амерыканскага ўніверсітэту. Пры вызначэнні, з якой установай звязацца, не трэба абмяжоўвацца толькі папулярнымі ў Амерыцы ўніверсітэтамі. Некаторыя ўстановы вышэйшай адукацыі ў ЗША малавядомыя, але часта яны могуць мець добрую базу для правядзення даследаванняў, стыпендыятам там надаюць больш увагі.

Фінансаванне праграмы
Праграма пакрывае выдаткі, звязаныя з пералётам туды-назад і медыцынскай страхоўкай, уключае штомесячную стыпендыю.

УВАГА!
Прапановы ад факультэтаў па спісе кандыдатур даць да 6 кастрычніка прарэктару па навуковай рабоце.
Рэгістрацыю ажыццяўляць толькі пасля ўзгаднення кандыдатур!

Падача заяўкі ажыццяўляецца анлайн https://apply.embark.com/student/fulbright/international/20/.

Тэрмін падачы - не пазней за 13 кастрычніка 2017 года (форма заяўкі для замежнага студэнта).

Адбор кандыдатаў ажыццяўляецца Пасольствам ЗША ў Мінску. Інтэрв'ю адбудзецца ў канцы кастрычніка, канчатковы адбор - у пачатку 2018 года.