БарДУ. Інжынерны факультэт - Філіял кафедры тэхналогіі машынабудавання на базе Баранавіцкага станкабудаўнічага завода філіяла ЗАТ «Атлант»

Філіял, створаны на базе Баранавіцкага станкабудаўнічага завода філіяла ЗАТ «Атлант» у 2008 годзе, з’яўляецца структурным падраздзяленнем кафедры тэхналогіі машынабудавання інжынернага факультэта.

Асноўнай мэтай стварэння філіяла кафедры тэхналогіі машынабудавання з’яўляецца ўдасканаленне падрыхтоўкі, павышэнне якасці адукацыі студэнтаў інжынернага факультэта, выкарыстанне ў навучальным працэсе сучаснага абсталявання і тэхналогій.

Задачамі філіяла кафедры з’яўляюцца:

прыцягненне найбольш вопытных інжынераў да практычнага навучання студэнтаў;
арганізацыя і правядзенне лабараторных заняткаў з выкарыстаннем сучаснага станочнага абсталявання прадпрыемства, якім немагчыма абсталяваць навучальныя лабараторыі;
азнаямленне студэнтаў з дзеючымі на прадпрыемстве тэхналагічнымі працэсамі, нормамі і патрабаваннямі;
адаптацыя студэнтаў да вытворчых умоў.

Для вырашэння пастаўленых задач філіял кафедры ажыццяўляе правядзенне лабараторных і практычных заняткаў, арганізацыю метадычнага і матэрыяльнага забеспячэння навучальнага працэсу, арганізацыю і выкананне навукова-даследчых работ, курсавых работ і праектаў.

У рамках супрацоўніцтва Баранавіцкі станкабудаўнічы завод філіял ЗАТ «Атлант» прадастаўляе памяшканні, абсталяванне для правядзення навучальнага працэсу і забяспечвае непасрэдны ўдзел спецыялістаў у навучанні студэнтаў. Навучальныя заняткі са студэнтамі праводзяцца на працоўных месцах у цэхах прадпрыемства, не парушаючы пры гэтым вытворчы працэс. Пры арганізацыі і вызначэнні методыкі правядзення заняткаў улічваецца рэальная вытворчая абстаноўка і неўмяшанне ў вытворчы працэс.