Навіны ўніверсітэта

19 снежня 2019 года на інжынерным факультэце адбылася VI Міжнародная навукова-практычная канферэнцыя «Тэхніка і тэхналогіі: інавацыі і якасць». Для адкрыцця мерапрыемства з прывітальным словам да гасцей і ўдзельнікаў канферэнцыі звярнулася дэкан інжынернага факультэта, кандыдат фізіка-матэматычных навук, дацэнт Нарановіч Аксана Іванаўна.

На пленарным пасяджэнні з дакладамі выступілі Клімук Уладзімір Уладзіміравіч, прарэктар па навуковай рабоце, кандыдат эканамічных навук, дацэнт; Сівачэнка Леанід Аляксандравіч, доктар тэхнічных навук, прафесар (міждзяржаўная адукацыйная ўстанова вышэйшай адукацыі «Беларуска-Расійскі універсітэт», Магілёў); Жыгалаў Анатоль Мікалаевіч, кандыдат тэхнічных навук, дацэнт; Шаповіч Яўген Генадзьевіч, старшы выкладчык секцыі інфармацыйных сістэм і тэхналогій.

Выступленні ахоплівалі такія напрамкі, як лічбавая эканоміка, тэхналагічны патэнцыял машынабудавання, аэрадынамічнае гукавое ўмацаванне цвёрдасплаўнага інструмента, аўтаматызацыя класіфікацыі дыятомавага багавіння. Скончылася пленарнае пасяджэнне ўручэннем сертыфікатаў і падарункаў пераможцам конкурсу інавацыйных праектаў з Прыорбанкам.

Далей праца канферэнцыі працягнулася на секцыях, якія былі прадстаўлены наступнымі навуковымі напрамкамі:

1. Камп'ютэрнае мадэляванне вытворчых працэсаў. Распрацоўка аўтаматызаваных сістэм уліку, аналізу, распазнання і абароны інфармацыі.
2. Тэндэнцыі развіцця тэхнікі і аўтаматызацыі вытворчасці. Сучасныя тэхналогіі апрацоўкі і ўмацавання дэталяў машын.
3. Актуальныя праблемы матэматыкі, фізікі і інфарматыкі. Забеспячэнне якасці падрыхтоўкі спецыялістаў інжынернага профілю.
4. Адаптыўныя падыходы да ўдасканалення вытворчасці сельскагаспадарчай прадукцыі.

Таксама ў рамках канферэнцыі Сінкевіч Аксанай Расціславаўнай, супрацоўнікам залы для навуковай працы, была арганізавана выстава перыядычных выданняў па тэматыках навуковых даследаванняў інжынернага факультэта.

Адказны за дакладнасць і карэктнасць прадстаўленай інфармацыі — спецыяліст кафедры тэхналогіі і абсталявання машынабудавання інжынернага факультэта Кузьміна Аксана Анатольеўна, тэлефон: 64 06 70