УНИВЕРСIТЭТ

Цыкл пасяджэнняў «English Speaking Club: English Jam» на факультэце славянскіх і германскіх моў

26, 27 і 28 сакавіка 2019 г. прайшоў цыкл пасяджэнняў «English Speaking Club: English Jam». Дадзенае мерапрыемства ўжо з’яўляецца традыцыйным для факультэта: першы такі цыкл сустрэч адбыўся ў 2017 годзе.

26 сакавіка прайшла першая сустрэча даўно чакаемых пасяджэнняў. Госцем стаў Тарас Цялькоўскі, які прыехаў з Лондана. Пасяджэнне праходзіла ў фармаце «Ток-шоў», падчас якога Тарас расказаў цікавыя гісторыі з жыцця ў Лондане. Студэнтаў уразіла яго бездакорная англійская мова. Асноўнай тэмай гутаркі стаў спорт. Прыязная атмасфера, шмат пазітыву, а таксама папаўненне слоўнікавага запасу нашых студэнтаў сталі пачаткам трохдзённай падзеі.

Наступнае пасяджэнне адбылося 27 сакавіка. Галоўным госцем стаў Мікіта Скорых, які прыехаў са Злучаных Штатаў. Тэмай гутаркі стаў бізнес, што з’явілася досыць актуальным, бо гэты тыдзень быў аб’яўлены тыднем фінансавых ведаў у Беларусі. Мікіта паведаміў аб сакрэтах паспяховага бізнэсу. Студэнты папоўнілі свой слоўнікавы запас новай лексікай і атрымалі зарад пазітыўных эмоцый.

Заключэннем цыкла стала пасяджэнне, якое адбылося 28 сакавіка з запрашоным госцем Дэвідам Глассам, які прыехаў у БарДУ з Уэльса. Тэмай гутаркі стаў штучны інтэлект. Мерапрыемства прайшло ў дружалюбнай абстаноўцы, студэнты атрымалі зарад пазітыўных эмоцый і пашырылі запас сваіх ведаў аб англійскай мове, а таксама аб культуры англамоўных краін.

04.04.2019