БарДУ. Навукова-даследчая работа студэнтаў

Важнейшым складнікам часткі працэсу падрыхтоўкі спецыялістаў вышэйшай кваліфікацыі, якія здольны працаваць у новых эканамічных умовах, з'яўляецца навукова-даследчая работа студэнтаў.

Ва ўніверсітэце праводзіцца мэтанакіраваная работа па ўкараненні ў вучэбны працэс адукацыйных тэхналогій, якія рэалізуюць даследчыцкі прынцып навучання, і дазваляюць не толькі павысіць эфектыўнасці НДРС, але і забяспечыць рашэнне цэлага шэрагу прынцыпова важных для ўніверсітэта задач, асноўнымі з якіх з'яўляюцца:

пошук новых формаў удзелу і навучання студэнтаў навуковай творчасці;
забеспячэнне актыўнага ўдзелу студэнтаў у навукова-тэхнічных і навукова-вытворчых канферэнцыях;
актыўнае прыцягненне студэнтаў да канструктарска-тэхналагічнай дзейнасці, рацыяналізатарска-вынаходніцкай рабоце;
рэгулярнае правядзенне выстаў студэнцкай навукова-тэхнічнай творчасці;
садзейнічанне ўкараненню і шырокаму выкарыстанню ў народнай гаспадарцы найноўшых дасягненняў навукі і тэхнікі, вынаходніцтваў, рацпрапаноў і распрацовак як асобных распрацоўшчыкаў, так і творчых моладзевых калектываў;
здзяйсненне шматпрофільнай падрыхтоўкі спецыялістаў пры дастаткова высокім узроўні спецыяльных ведаў;
забеспячэнне высокага ўзроўню фундаментальных ведаў, набытых студэнтамі ў працэсе НДР;
эфектыўная падрыхтоўка кадраў вышэйшай кваліфікацыі для ўласных вучэбных і навуковых падраздзяленняў;
істотнае зніжэнне выдаткаў на выкананне навукова-даследчыцкіх і вопытна-канструктарскіх работ.

Тэматыка навуковых даследаванняў, выконваемых студэнтамі, вызначаецца як тэматыкай дзяржбюджэтных даследаванняў, якія праводзяцца ва ўніверсітэце па заданнях НАН Беларусі, галіновых міністэрстваў, а таксама сфарміраваных ва ўніверсітэце Задачнікам ад прамысловых прадпрыемстваў Баранавіцкага рэгіёна.

Формы прыцягнення студэнтаў да навуковай работы дастаткова разнастайныя, аднак найбольш масавымі і эфектыўнымі з'яўляюцца:

выкананне лабараторных практыкумаў з элементамі НДР, курсавых і дыпломных навукова-даследчых работ;
удзел у навукова-практычных міжвузаўскіх, рэспубліканскіх і міжнародных канферэнцыях, выставах, конкурсах і алімпіядах;
навукова-даследчыцкая работа падчас вытворчага навучання;
навукова-даследчыцкая дзейнасць у студэнцкіх творчых аб'яднаннях.

Маладыя даследчыкі маюць магчымасць прэзентацыі атрыманых вынікаў і апрабацыі сваіх навуковых даследаванняў шляхам удзелу ў семінарах, канферэнцыях, форумах і выставах розных узроўняў.

Навукова-даследчая работа студэнтаў

Навуковая дзейнасць

САЙТЫ СТРУКТУРНЫХ ПАДРАЗДЗЯЛЕННЯЎ