Навiны

У Брэсце ў лёгкаатлетычным манежы з 24 па 26 сакавіка праходзіла выстава «Беларусь інтэлектуальная». Свае дасягненні і распрацоўкі дэманстравалі навукоўцы НАН Беларусі, прадстаўнікі ўстаноў адукацыі, навукова-даследчых дзяржаўных і прыватных арганізацый краіны, тэхнапаркаў, якія займаюцца навуковымі даследаваннямі.

Распрацоўкі ўстановы адукацыі «Баранавіцкі дзяржаўны ўніверсітэт» у галіне тэхналогіі машынабудавання, экалогіі, рэалізацыі моладзевых ініцыятыў прадстаўлялі: дацэнт, кандыдат біялагічных навук Дзяніс Сяргеевіч Лундышаў, дацэнт, кандыдат тэхнічных навук Ірына Аркадзьеўна Багдановіч, дацэнт Вольга Вячаславаўна Леон. Таксама дадзеную экспазіцыю наведалі студэнты і работнікі БарДУ. Усе засталіся пад прыемным уражаннем.

Асноўныя мэты мерапрыемства - дэманстрацыя найноўшых навуковых распрацовак беларускіх навукоўцаў і студэнтаў, прапаганда дасягненняў навукі, арыентаваная на шырокую аўдыторыю прадстаўнікоў усіх слаёў беларускага грамадства.

Экспазіцыя была арганізавана па кластарным прынцыпе, які прадугледжвае аб'яднанне і лагічную сувязь буйных тэматычных блокаў, якія развіваюцца ў Беларусі і найбольш актуальных у цяперашні час.