НАВУКОВА-ПЕДАГАГІЧНАЯ ШКОЛА ПА РАСПРАЦОЎЦЫ І ЎДАСКАНАЛЕННЮ ЭНЕРГАРЭСУРСАЗБЕРАГАЛЬНЫХ ТЭХНАЛОГІЙ ВЫРОШЧВАННЯ ЗЕРНЯВЫХ І НЕКАТОРЫХ ЗЕРНЕБАБОВЫХ КУЛЬТУР

Кіраўнік навуковай школы Качурка Васіль Іванавіч, доктар сельскагаспадарчых навук, прафесар.

Кафедра прыродазнаўчых дысцыплін

Асноўныя напрамкі навуковых даследаванняў, якія праводзяцца ў рамках навуковай школы:

  • распрацоўка энергарэсурсазберагальных тэхналогій вырошчвання зернявых культур, якія дазваляюць атрымліваць 10 тон зерня з аднаго гектара;
  • дасканаленне тэхналогій вырошчвання зернявых і некаторых зернебабовых культур;
  • распрацоўка комплекса агратэхнічных мер, якія дазваляюць атрымліваць зерне азімых зернявых культур з высокім ўтрыманнем бялка і клейкавіны.

Састаў навуковай школы: 1 доктар наук; 4 кандыдаты наук; 2 аспіранты.

Асноўныя навуковыя вынікі, атрыманыя на працягу апошніх 5 гадоў:

  • распрацаваны рэкамендацыі па прымяненні азотных угнаенняў на азімае трыцікале;
  • ацэнены ўплыў папярэднікаў на ўраджайнасць і элементы прадуктыўнасці коласа азімага трыцікале;
  • распрацаваны рэкамендацыі па прымяненні рэтардантаў на азімым трыцікале;
  • распрацавана сістэма прымянення азотных угнаенняў на азімай пшаніцы; вызначаны аптымальныя тэрміны сяўбы азімай пшаніцы і іх уплыў на якасць зерня.

НАВУКОВА-ПЕДАГАГІЧНАЯ ШКОЛА «НАВУКОВЫЯ І ТЭХНАЛАГІЧНЫЯ АСНОВЫ ВЫРАБУ І ЎМАЦАВАННЯ ВЫСОКАНАГРУЖАНЫХ ДЭТАЛЯЎ МАШЫНАБУДАВАННЯ І ІНСТРУМЕНТУ»

Кіраўнік навуковай школы: Аліфанаў Аляксандр Віктаравіч, доктар тэхнічных навук, прафесар, прафесар кафедры абсталявання і аўтаматызацыі вытворчасці.

Кафедра абсталявання і аўтаматызацыі вытворчасці

Асноўныя напрамкі навуковых даследаванняў, якія праводзяцца ў рамках навуковай школы:

  • распрацоўка інструменту для халоднай аб'ёмнай штампоўкі стальных вырабаў з улікам характару пластычнага цячэння матэрыялу, які апрацоўваецца;
  • распрацоўка канструкцыі і спосабаў вырабу інструменту ў біметалічным выкананні з прымяненнем гарачага выціскання;
  • распрацоўка матэрыялу і спосабаў вырабу рэжучых пласцін для метала- і дрэваапрацоўкі на аснове аксідна-субаксіднай алюмініевай керамікі і гарачадэфармаванага мадыфікаванага белага чыгуну;
  • умацавальная апрацоўка стальных вырабаў (як загартаваных, так і не загартаваных) сферычнай, цыліндрычнай і плоскай формы з прымяненнем магнітна-імпульснага ўздзеяння;
  • распрацоўка абсталявання для магнітна-імпульснай умацавальнай апрацоўкі стальных вырабаў;
  • умацавальная магнітна-імпульсная апрацоўка вакуумных пакрыццяў і ўмауаваных паверхневых слаёў на стальных вырабах;
  • распрацоўка камбінаваных высокаэнергетычных метадаў умацавання дэталяў шырокага прызначэння, якія працуюць ва ўмовах ударных нагрузак і інтэнсіўнага зношвання.

Састаў навуковай школы: 1 доктар наук; 6 кандыдатаў навук; 1 дактарант; 6 аспірантаў

Асноўныя навуковыя вынікі, атрыманыя на працягу апошніх 5 гадоў:

Упершыню ў Рэспубліцы Беларусь распрацаваны новы высокаэнергетычны метад умацавальнай апрацоўкі стальных вырабаў, як загартаваных, так і не загартаваных, на аснове магнітна-імпульснага ўздзеяння. Распрацаваны і выраблены спецыяльныя магнітна-імпульсныя ўстаноўкі і індуктары, якія дазваляюць выконваць умацавальную апрацоўку вырабаў сферычнай, цыліндрычнай і плоскай формы. Устаноўлена, што пад уздеяннем магнітна-імпульснага поля ў паверхневым слоі стальных узораў з канструкцыйных і інструментальных сталяў утвараецца ўмацаваны слой таўшчынёй да 70 мкм (у залежнасці ад рэжымаў апрацоўкі і маркі сталі), які складаецца з дробнадысперснай сумесі ферыту, перліту і цэменціту.

Пабудавана фізіка-матэматычная мадэль працэсу магнітна-імпульснай умацавальнай апрацоўкі, якая тлумачыць механізм зрабнення зерня на аснове цеплавых, дэфармацыйных і магнітастрыкцыйных з'яў. Умацаваны доследныя партыі дрэварэжучых нажоў са сталяў 8ХВ і Х6НФТ, якія прайшлі доследна-прамысловыя выпрабаванні на дрэваапрацоўчых прадпрыемствах рэспублікі і паказалі стойкасць такіх жа, але не ўмацаваных нажоў да 3 разоў пры апрацоўцы вырабаў з сасны (ААТ «Баранавічыдрэў») і больш, чым у 1,5 разы пры апрацоўцы вырабаў з дуба і ясеня (УП «Мэблявая фабрыка "Лагуна"»). Таксама ўпершыню распрацаваны камбінаваны метад умацавальнай апрацоўкі вырабаў, які ўключае вакуумнае нанясенне пакрыццяў і магнітна-імпульсную апрацоўку.

Устаноўлена, што ў выніку магнітна-імпульснай апрацоўкі стальных загартаваных узораў, паверхня якіх першапачаткова ўмацавана метадам вакуумнага напылення, адбываецца ўшчыльненне напыленага пакрыцця, актывізуюцца дыфузійныя працэсы пранікнення атамаў матэрыяла пакрыцця ў аснову, што прыводзіць да павышэння цвёрдасці пакрыцця, паляпшэнню яго адгезійных сувязей з асновай, павелічэнню глыбіні ўмацаванага слоя і ў выніку — павышэнню трываласці і даўгавечнасці пакрыцця. Выпрабаванні дрэварэжучых нажоў са сталі 65Г, умацаваных камбінаваным метадам, (вакуумнае напыленне + МІА), на ААТ «Баранавічыдрэў» пры апрацоўцы вырабаў з сасны паказалі, што іх трываласць павялічылася ў 5,9 раза ў параўнанні з неўмацаванымі нажамі.

Распрацаваны тэарэтычныя і тэхналагічныя асновы атрымання высокатрывалага біметалічнага канцавога рэжучага інструмента з прымяненнем гарачага пластычнага дэфармавання, што дазваляе значна эканоміць дарагую высокалегіраваную сталь.

Прыведзеныя вынікі апублікаваны ў наступных навуковых працах:

  • Калектыўная манаграфія: Перспектыўныя матэрыялы і тэхналогіі / Віцебск : ВДТУ, 2013. — 655 с. // А. В. Аліфанаў, Ж. А. Папова, Н. М. Цыяненка.— Гл. 25, с. 520—542.
  • Калектыўная манаграфія : Перспектыўныя тэхналогіі / Віцебск : ВДТУ. — 599 с. // А. В. Аліфанаў, Г. М. Мілюкова.— Гл. 13. Рэсурсазберагальная тэхналогія атрымання біметалічных загатовак канцавога рэжучага інструмента гарачым пластычным дэфармаваннем. С. 286—319.
  • Аліфанаў, А. В. Магнітна-імпульсная умацавальная апрацоўка вырабаў з канструкцыйных і інструментальных сталяў / А. В. Аліфанаў, А. У. Акулаў, Ж. А. Папова, А. С. Дзямянчык // Ліццё і металургія. — 2012. — № 3 — С. 87—92.
  • Аліфанаў, А. В. Павышэнне зносаўстойлівасці дрэварэжучых нажоў умацавальнай магнітна-імпульснай апрацоўкай / А. В. Аліфанаў, Ж. А. Папова, А. С. Дзямянчык // Весн. Брэсц. дзярж.. тэхн. ун-та. — 2012. — № 4. — С. 9—12.
  • Аліфанаў, А. В. Умацаванне дрэварэжучых нажоў камбінаваным метадам магнітна-імпульснага ўздзеяння і вакуумнага пакрыцця / А. В. Аліфанаў // Весн. БарДУ. Сер. «Фізіка-матэматычныя навукі. Тэхнічныя навукі». — 2013. — Вып. 1(4). — С. 38—43.

САЙТЫ СТРУКТУРНЫХ ПАДРАЗДЗЯЛЕННЯЎ