Савет маладых вучоных – добраахвотнае аб'яднанне маладых навукоўцаў, якое прадстаўляе пастаянна дзеючы калегіяльны дарадчы орган маладых навукоўцаў універсітэта.

Пад «маладымі навукоўцамі» ў дадзеным Палажэнні разумеюцца магістранты, аспіранты, дактаранты, саіскальнікі і іншыя супрацоўнікі ўніверсітэта ва ўзросце не старэй за 35 гадоў, якія маюць вышэйшую адукацыю і якія маюць вынікі ў навукова-даследчай дзейнасці.

Колькасць і персанальны склад савета зацвярджаецца загадам рэктара ўніверсітэта. Працу савета курыруе прарэктар па навуковай рабоце ўніверсітэта.

Мэта дзейнасці савета – развіццё творчай актыўнасці і навуковых зносін маладых навукоўцаў, садзейнічанне прафесійнаму станаўленню даследчыкаў, аб'яднанне і максімальнае выкарыстанне навуковага патэнцыялу маладых выкладчыкаў і супрацоўнікаў у вырашэнні актуальных навуковых і практычна значных праблем.

Задачы савета:

  1. каардынацыя дзейнасці маладых навукоўцаў розных падраздзяленняў універсітэта;
  2. актывізацыя інфармацыйнага абмену і супрацоўніцтва маладых навукоўцаў універсітэта з маладымі навукоўцамі устаноў вышэйшай адукацыі Рэспублікі Беларусь і іншых краін;
  3. садзейнічанне ўкараненню навуковых дасягненняў маладых навукоўцаў у практычную дзейнасць суб'ектаў гаспадарання, эканомікі, права і адукацыі;
  4. прадастаўленне інфармацыі маладым навукоўцам аб фондах, грантах, конкурсах, канферэнцыях і іншых навуковых мерапрыемствах па падтрымцы навуковай моладзі;
  5. арганізацыя і правядзенне навуковых канферэнцый, навуковых форумаў, круглых сталоў з удзелам маладых навукоўцаў і высокакваліфікаваных спецыялістаў;
  6. абагульненне і распаўсюджванне станоўчага вопыту навуковай работы розных факультэтаў і падраздзяленняў універсітэта, пошук і ўкараненне інавацыйных форм работы маладых навукоўцаў у практыку.

 

 

КАНТАКТНАЯ ІНФАРМАЦЫЯ
Адрас:
вул. Войкава, 21, 225404 г.Баранавічы, Брэсцкая вобл.
Старшыня СМУ:
Шаповіч Яўген Генадзевіч
Тэлефон:

 

САЙТЫ СТРУКТУРНЫХ ПАДРАЗДЗЯЛЕННЯЎ