.

    ІНТЭРНАТ УБАРЭВІЧА, 20

Навіны інтэрната

 

 

«ААН: правы чалавека 365 дзён у годзе»

Як мінімум раз у год мы чуем па тэлебачанні ці чытаем у інтэрнэце аб тым, што 10 снежня – Дзень правоў чалавека. Але далёка не ўсе ведаюць, чаму менавіта гэтая зімовая дата абраная для таго, каб адзначыць гэтае свята. Што ж яно азначае? Пра гэта распявядалі на вусным часопісе члены прававога сектара інтэрната па вул.Убарэвіча, 20.

Шмат хто называе яго «святам праваабаронцаў», і яны не вельмі далёкія ад ісціны. Уся справа ў тым, што менавіта тады, у 1948 годзе прыняты вельмі важны дакумент. Ён, уласна, і паклаў пачатак сучаснаму паняццю пра тое, што такое правы чалавека. Гэта адбылося 10 снежня 1948 г. на пасяджэнні Генеральнай Асамблеі, новай міждзяржаўнай структуры – Арганізацыі Аб'яднаных Нацый. Яна толькі пачынала сваю працу і мела патрэбу ў прыняцці пастаноў і дэкларацый.

Магчыма, многія з нас і скажуць, што гэтая Дэкларацыя – усяго толькі ліст паперы. Аднак справа ў тым, што гэта агульнапрызнаны стандарт правоў чалавека. Іх можна парушыць, але нельга адняць. Таму патрабаваць выканання гэтых правоў не толькі можна, але і трэба. Нездарма ў 1993 годзе ўдзельнікі сусветнай канферэнцыі ў Вене, якая сабрала 171 дзяржаву, пацвердзілі сваю прыхільнасць Дэкларацыі і гатоўнасць сваіх урадаў кіравацца гэтым стандартам. Вось чаму Міжнародны дзень правоў чалавека – гэта дата, якая нагадвае аб тым, што існуюць прынцыпы і нормы, якія нас ахоўваюць.

«ААН: правы чалавека 365 дзён у годзе» «ААН: правы чалавека 365 дзён у годзе»

2016-12-21

«Кіно павінна прымусіць гледача забыць пра тое, што ён сядзіць у кіно» (Р. Паланскі)

Кіно ўяўляе сабой адзін з самых масавых відаў сучаснага мастацтва. Цяжка пераацаніць уплыў кінематографа на светапогляд гледачоў. Беларусь імкнецца ўнесці дастойны ўклад у сусветную кінаіндустрыю і штогод адзначае прафесійнае свята работнікаў гэтай галіны эканомікі. Дзень беларускага кіно штогод адзначаецца 17 снежня, і па традыцыі яго святкуюць рэжысёры, сцэнарысты, акцёры, касцюмеры і грымёры, дэкаратары і харэографы, а таксама пастаноўшчыкі трукаў, аператары, кінакампазітары, каскадзёры і многія іншыя работнікі кінаіндустрыі. Свята было ўстаноўлена Указам Прэзідэнта Рэспублікі Беларусь ад 16 снежня 1994 г. № 260, паўторна замацавана Указам ад 26 сакавіка 1998 г. № 157.

Прадстаўнікі беларускай кінаіндустрыі таксама прымаюць удзел у Канскім кінафестывалі. У закрытым паказе ў 2015 годзе ў Канах прайшла прэзентацыя фільма «Мы, браты», якая выйдзе ў сусветны кінапракат пад назвай «Код Каіна» (The Code of Cain). Таксама на 68-м кінафестывалі быў паказаны фільм французскага рэжысёра Арно Дзеплешана «Тры ўспаміны з маёй маладосці», частка якога здымалася ў Мінску.

Караткаметражка «Кармілец», якая з'яўляецца рэкламным ролікам беларускіх трактароў, адзначана на міжнародным фестывалі The Cannes Corporate Media & TV Awards 2016 ў французскіх Канах. Ролік заваяваў срэбныя ўзнагароды ў намінацыях «Іміджавы фільм» і «Унутраныя камунікацыі». «Ідэя пра здымкі такога фільма, дзе б распавядалася пра тое, як у розных краінах працуе трактар «Беларус » – наш галоўны брэнд – належыць заводу, мы планавалі зняць такі фільм да 70-годдзя прадпрыемства і зрабілі гэта», – распавёў начальнік упраўлення пратаколу і рэкламы МТЗ Сяргей Пятухоў.

Інфармацыйны агляд конкурсных беларускіх фільмаў, якія прынялі ўдзел у прэстыжным міжнародным кінафестывалі ў Канах, прадставіў інфармацыйна-выдавецкі сектар студэнтаў інтэрната па вул.Убарэвіча, 20.

«Кіно павінна прымусіць гледача забыць пра тое, што ён сядзіць у кіно» (Р. Паланскі) «Кіно павінна прымусіць гледача забыць пра тое, што ён сядзіць у кіно» (Р. Паланскі)

2016-12-21

«Бязвыплатны донар - гонар нашай краіны»

Мэта інфармацыйнай гадзіны, арганізаванай членамі валанцёрскага атрада «Клопат» інтэрната па вул. Убарэвіча, 20, – прыцягнуць у шэрагі бязвыплатнага донарства як мага больш студэнцкай моладзі. Бо донар - не пасада, не прафесія. Так называюць чалавека, які па добрай волі, сардэчнай спагадлівасці дае сваю кроў для хворых людзей.

Донарства – гэта грамадзянскі абавязак. Адгукнуўшыся на заклік, кожны з будучых донараў, хто ўпершыню прыйшоў ва ўстанову службы крыві, задумваецца над пытаннямі: ці бяспечна здаваць кроў, ці з'яўляецца гэтая працэдура балючай, хто можа здаваць кроў і як часта, хто не павінен здаваць, як донарства ўплывае на здароўе чалавека.

Быць ці не быць бязвыплатным донарам – гэта ваша рашэнне. Здароўе нацыі, як маральнае, так і фізічнае, вызначаецца менавіта тым, як вы адкажаце на гэтае пытанне. Прыняўшы аднойчы рашэнне стаць БЯЗВЫПЛАТНЫМ ДОНАРАМ, вы станеце іншым чалавекам – дарыльшчыкам жыцця.

«Бязвыплатны донар - гонар нашай краіны»

2016-12-08

«ВІЧ-інфекцыя: небяспека не змяншаецца...»

1 снежня ― Сусветны дзень барацьбы супраць СНІДу.

Што такое ВІЧ, якія шляхі перадачы ВІЧ? Клінічныя праявы ВІЧ-інфекцыі былі прадстаўлены з дапамогай відэакейсаў. Усё гэта студэнты сектара здаровага ладу жыцця студэнцкага савета інтэрната па вул. Убарэвіча, 20, пастараліся данесці лёгка і даступна.

Мэта, якую яны пераследвалі, - сфармаваць памяркоўнае стаўленне да ВІЧ-інфіцыраваных людзей, а таксама выхаванне пачуцця адказнага стаўлення да сябе і здароўя блізкіх людзей.

«ВІЧ-інфекцыя: небяспека не змяншаецца...» «ВІЧ-інфекцыя: небяспека не змяншаецца...»

2016-12-05

«Хроніка апошняга палёту»

Да дня нараджэння першага Героя Беларусі наш прававы сектар студэнцкага савета інтерната па вул. Убарэвіча, 20, арганізаваў вечар памяці У.М. Карвата. Школьныя годы вырашылі лёс гэтага чалавека. Менавіта тады ён зразумеў, што звяжа свой лёс з небам.

Студэнты падрыхтавалі прэзентацыю аб жыцці героя, а таксама паказалі відэафільм пра яго.

«Хроніка апошняга палёту» «Хроніка апошняга палёту»

2016-11-30