Інтэрнат Убарэвіча, 22

«Агульны дом дабра і мудрасці ― Беларусь і Расія» 

У інтэрнаце па вул.Убарэвіча, 22, адбылася тэматычная гадзіна зносін «Два народы ― адна гісторыя». Усе прысутныя на мерапрыемстве даведаліся, што ж агульнага ў нашых народаў, атрымалі інфармацыю, што Дзень яднання народаў Беларусі і Расіі ― свята ўсіх тых, хто ўдзельнічае ў стварэнні саюзнай дзяржавы, свята кожнага чалавека, які жыве ў адной з краін, бо ў многіх беларусаў, роўна як і расіян, сваякі і сябры жывуць у саюзнай краіне.

Дзень яднання народаў абапіраецца на памяць і вопыт мінулых пакаленняў беларусаў і расіян і ў той жа час накіраваны ў будучыню, сімвалізуючы надзею, што нашы народы ніколі не разарвуць сваіх братэрскіх сувязяў. Сёння з усёй упэўненасцю можна заявіць: Саюз Беларусі і Расіі адбыўся. Яго жыццёвая сіла ― у нашым адзінстве, у гарантыі нашчадкам дастойнай будучыні.

2017-04-06

Гендарная роўнасць

Гендарная роўнасць... Цалкам незразумелае на першы погляд словазлучэнне, але вельмі зачаравальнае сваёй незразумеласцю і завуаліраванасцю. Менавіта гэтая тэма была разгледжана пад час дыскусіі «Мужчына + Жанчына = Гендарная роўнасць?», якая прайшла ў інтэрнаце па вул. Убарэвіча, 22.

Студэнтам была прадастаўлена інфармацыя аб гендэрнай роўнасці як пра адзін з найважнейшых аспектаў жыцця ў краіне, дзе жанчыны і мужчыны атрымліваюць роўныя магчымасці і абавязкі ў розных сферах жыцця. На аснове атрыманай інфармацыі была разгадана крыжаванка. Забаўляльнай часткай мерапрыемства стала гульня «Хто круцей?».

2017-04-03

«Люблю свой край…» 

Радзіма – гэта тое, што было да нас,  і тое, што будзе. Гэта наша сучаснасць, і яе будучыня залежыць ад нас. Нам трэба шанаваць ўсё, што звязана з нашымі беларускімі каранямі: мову, традыцыі і культуру.

Аб гэтым ішла гаворка падчас інтэлектуальна-пазнавальнай гадзіны «Знаўцы роднага краю» ў інтэрнаце па вул. Убарэвіча, 22. На мерапрыемстве студэнты глядзелі прэзентацыю пра прыгажосць беларускай зямлі. Гучалі вершы і інтэлектуальныя пытанні пра нашу краіну са старажытных часоў, пра і знакамітых дзеячаў.

2017-03-30

«Мяняй сябе, а не Планету!» 

У люстраной зале ў інтэрнаце па вул.Убарэвіча, 22, прайшла традыцыйная акцыя «Гадзіна Зямлі», якая заклікае ўсіх нас выключыць святло і другія не жыццёва важныя электрапрыборы на адну гадзіну.

«Гадзіна Зямлі» – гэта не толькі эканомія электрычнасці, гэта - сімвал беражлівых адносін да прыроды. З году ў год гэта мерапрыемства дазваляе прыцягнуць увагу да неабходнасці адказнага стаўлення да навакольнага свету.

Студэнты, якія пражываюць у інтэрнаце па вул.Убарэвіча, 22, не засталіся абыякавымі і прынялі актыўны ўдзел у акцыі. Пад пільным кіраўніцтвам арганізатараў акцыі «Гадзіны Зямлі» студэнты паспрабавалі самастойна вырабіць свечкі, а падчас адключэння электрычнасці з 20:30 да 21:30 Дар'я Саванчук, Алена Савіч, Андрэй Запаснік, Васіль Ілісцінаў і Сахыберды Джафараў пад запаленыя свечкі і гітару парадавалі ўсіх сваімі песнямі, надаўшы гэтаму вечару рамантычнасць.

2017-03-28

На Наўруз мы запрашаем: хто прыйшоў — усіх частуем! 

Адным з галоўных атрыбутаў свята «Наўруз Байрам» з'яўляецца прыгатаванне святочных пачастункаў. Студэнты з Туркменістана, якія пражываюць у інтэрнаце па вул.Убарэвіча, 22, падтрымліваюць гэтую традыцыю і ў дзень святкавання зладзілі выставу-прэзентацыю «На Наўруз мы запрашаем: хто прыйшоў — усіх частуем!». 

Усе, хто наведаў выставу, не толькі ўбачылі туркменскія кулінарныя шэдэўры, але і з задавальненнем пакаштавалі чак-чак, самсу, даграму, пішме і многія іншыя нацыянальныя стравы.

Гэта было сапраўды святочна, смачна і прыгожа!

2017-03-24

«Быць грамадзянінам Рэспублікі Беларусь - гэта высокі гонар»

У Дзень Канстытуцыі Рэспублікі Беларусь у інтэрнаце па вул.Убарэвіча, 22, прайшла інфармацыйна-пазнавальная гадзіна зносін «Канстытуцыя Рэспублікі Беларусь - гарант правоў чалавека».

Удзельнікі мерапрыемства атрымалі інфармацыю пра гісторыю распрацоўкі і прыняцця Канстытуцыі Рэспублікі Беларусь, яе асноватворныя палажэнні. Вялікая ўвага была ўдзелена правам i абавязкам грамадзян. І кожны вынес урок, што наша жыццё, свабода і правы надзейна абаронены дзяржавай і быць грамадзянінам Рэспублікі Беларусь - гэта высокі гонар.

У завяршэнні мерапрыемства адбылася віктарына з пытаннямі на веданне асноў канстытуцыйнага ладу Рэспублікі Беларусь.

2017-03-20

«ЛЕПШАЯ З ЛЕПШЫХ» 

Напярэдадні Міжнароднага жаночага дня 8 САКАВІКА ў інтэрнаце па вул.Убарэвіча, 22, прайшоў адзін з самых маляўнічых, яркіх і эмацыйных конкурсаў «Міс інтэрната-2017».

Выдатныя нумары, добрая падрыхтоўка, мора эмоцыі. Застацца абыякавым было проста немагчыма. У зале адчувалася атмасфера вялікага свята, а канкурсанткі былі лепшыя з лепшых - артыстычныя, творчыя, інтэлектуальныя, крэатыўныя і, што граху таіць, проста прыгажуні. У кожнай удзельніцы была група падтрымкі.

Па выніках конкурсных выпрабаванняў па рашэнні журы ўладальніцай запаветнай кароны «Міс інтэрната- 2017» удастоена Сядзельнік Ангеліна. Віншуем!

2017-03-10

«Наркотыкі – добраахвотная смерць» 

Амаль нічога ў свеце не бывае абсалютна дрэнным або безумоўна добрым. Але наркаманія – гэта стоадсоткавае зло. Нікому яшчэ гэта не прыносіла шчасця. Наркотык – атрута, якая вядзе да хвароб, злачынстваў, смерці. Штогод 1 сакавіка адзначаецца Міжнародны дзень барацьбы з наркотыкамі. Сектар здаровага ладу жыцця інтэрната па вул. Убарэвіча, 22, арганізаваў мерапрыемства «Наркотыкі – добраахвотная смерць», на якім прысутныя прынялі ўдзел у інтэрактыўнай гульні, а таксама даведаліся шмат іфармацыі аб такой страшнай хваробе, як наркаманія.

2017-03-02

«Масленіца наша - няма цябе прыгажэй»

28 лютага, у апошні дзень зімы, студэнты, якія пражываюць у інтэрнаце па вул.Убарэвіча, 22, правялі зіму і наладзілі «Блінны дзень у інтэрнаце». 

Кожны жадаючы мог прыйсці і паспрабаваць нашых смачных, гарачых, румяных бліноў. Наша «Масленіца» прайшла ў сяброўскай і ўтульнай атмасферы. Кожны падзяліўся сваімі гісторыямі, якія адбыліся з ім за гэтую зіму. Пасля з'едзеных бліноў і душэўных гутарак ўсе былі сытыя, з добрым настроем і морам пазітыўных эмоцый, азораныя радасным чаканнем блізкага цяпла, вясновага абнаўлення прыроды.

2017-03-01

Каб стаць мужчынам, мала ім нарадзіцца ... 

У Дзень абаронцы Айчыны ў люстраной зале інтэрната па вул.Убарэвіча, 22, прайшла конкурсная забаўляльная праграма «Рыцарскі турнір». 

Канкурсанты з гонарам і годнасцю змагаліся за «рыцарскую карону», прадэманстравалі сваю смеласць, спрыт, эрудыраванасць, галантнасць і талент. Званне «Рыцар інтэрната» журы аднагалосна прысудзіла Алішову Юрыю. Прыз глядацкіх сімпатый дастаўся Запасніку Андрэю. Віншуем юнакоў і ганарымся імі. Так трымаць!

2017-02-27