Інтэрнат Убарэвіча, 22

«Ад сігарэты адмоўся ― выбяры здаровае жыццё!» 

У рамках інфармацыйна-адукацыйнай акцыі «Сусветны дзень некурэння. Прафілактыка анкалагічных захворванняў» сярод студэнтаў, якія пражываюць у інтэрнаце па вул.Убарэвіча, 22, была праведзена акцыя «Ад сігарэты адмоўся ― выберы здаровае жыццё!».

Сектар здаровага ладу жыцця студэнцкага савета інтэрната пераканаўча заклікаў развітацца са згубнай звычкай: «Зламай цыгарэту ― захавай сабе жыццё!», «Кінь цыгарэту! Мы за чыстае паветра» ― такія заклікі гучалі ў час акцыі.

2016-11-21

«Калі ты ў душы студэнт» 

Міжнародны дзень студэнта ў фармаце тэматычнага дня «Дзень студэнта ў СТАЛІЧНЫМ* універсітэце» пакінуў шмат пазітыўных эмоцый для ўсіх студэнтаў, якія пражываюць у інтэрнаце па вул.Убарэвіча, 22. Насычаная, творчая і цікавая тэматычная праграма «Калі ты ў душы студэнт», падрыхтаваная актывам інтэрната, прайшла ў выглядзе форума, поўнага эмоцый, усмешак і цудоўнага настрою для першакурснікаў. Студэнцкае свята ўпрыгожыў «Кірмаш талентаў». Экспазіцыя творчых работ студэнтаў, музыка, песні, вершы і танцы надалі асаблівы шарм святу, мора пазітыву і незабыўныя імгненні студэнцкага жыцця ў інтэрнаце. 

Таксама ў інтэрнаце па вул.Убарэвіча, 22, працавала выстава «Маладосць, творчасць, рамантыка», на якой было прадстаўлена шмат цікавых і таленавітых работ студэнтаў, якія пражываюць у інтэрнаце. Усіх здзівілі, захапіла і пакарылі сваёй выразнасцю і свабодай вырабы ручной работы і малюнкі. У іх ўкладзены ўяўленне і майстэрства, адчуваецца рамантыка і сіла студэнцкіх сэрцаў.

2016-11-21

«Дакрануцца да прыгажосці беларускай прыроды» 

У рамках Года культуры і арганізацыі змястоўнага вольнага часу студэнтаў была арганізавана экскурсія ў Белавежскую пушчу. Узнёслыя пачуцці перажылі ўсе, хто быў на экскурсіі. Нікога не пакінула раўнадушным наведванне Камянецкай Белай вежы, Музея прыроды і вальераў з жывёламі. Многіх пушча ўразіла запаведнай цішынёй і чысцінёй паветра.

Экскурсія аказала на ўсіх незабыўнае ўражанне, бо гэта была ўнікальная магчымасць дакрануцца да прыгажосці беларускай прыроды.

2016-11-15

Асэнсоўваючы мінулае, тварыць будучыню...

Як даніну павагі да слаўных традыцый і здзяйсненняў многіх пакаленняў, студэнты, якія пражываюць у інтэрнаце па вул. Убарэвіча, 22, у Дзень Кастрычніцкай рэвалюцыі правялі дыскусію «7 Лістапада. Дата ў гісторыі».

Менавіта гэтая дата дала ўсім надзею на лепшую будучыню, і толькі асэнсаваўшы мінулае, можна пабудаваць будучыню.

2016-11-09

«Культура здароўя» 

Фарміраванне матывацыі да здаровага ладу жыцця, свядомай адмовы ад шкодных звычак і залежнасцяў, значнасці заняткаў спортам ― мэта мерапрыемства «Культура здароўя і шкодныя звычкі», падрыхтаванага сектарам ЗЛЖ студэнцкага савета інтэрната па вул. Убарэвіча, 22.

У свядомасці кожнага прысутнага адклалася інфармацыя, што моцнае здароўе, якое падтрымлівае і ўмацоўвае сам чалавек, дазволіць яму пражыць доўгае і поўнае радасцяў жыццё. Менавіта здаровы лад жыцця, заняткі спортам дапамагаюць паспяхова рэалізоўваць свае планы, спраўляцца з цяжкасцямі, а калі прыйдзецца, то і з каласальнымі перагрузкамі.

2016-11-04

«25 гадоў незалежнасці Туркменістана» 

Галоўнае нацыянальнае свята — Дзень незалежнасці Туркменістана — адзначылі студэнты ў сценах інтэрната па вул.Убарэвіча, 22.

На вечары прысутнічала шмат беларускіх студэнтаў, якія праявілі зацікаўленасць да культуры замежнай дзяржавы. З вялікай цікавасцю студэнты знаёміліся з дасягненнямі туркменскага народа.

Асаблівую цікавасць вызвала выстава «Мой Туркменістан», якая пазнаёміла ўсіх прысутных з унікальнымі нацыянальнымі туркменскімі традыцыямі вышыўкі, ювелірнага майстэрства і культурай краіны. Вечар запомніўся таксама яркімі выступленнямі замежных студэнтаў і нацыянальнай кухняй.

2016-10-31

Спяваем для нашых мам

Літаратурна-музычны вечар «Для цябе спяваю, мая родная!» прайшоў у інтэрнаце па вул. Убарэвіча, 22. На вечары прагучалі вершы, пранікнёныя песні і музычныя кампазіцыі. Напоўненыя любоўю нумары, прысвечаныя маці, нагадалі ўсім прысутным, што матуля – самы галоўны чалавек у жыцці, і нам заўседы трэба памятаць пра іх і часцей гаварыць ім пра нашу любоў.

2016-10-25

«Ці ведаеш ты закон?»

20 кастрычніка ў інтэрнаце па вул. Убарэвіча 22, адбылася сустрэча студэнтаў з інспектарам па справах непаўналетніх А.Б. Станкевічам.

Увазе студэнтаў была прадстаўлена інфармацыя об прававой базе адміністратыўнай і крымінальнай адказнасці за распіццё алкаголю і курэнне ў грамадскіх месцах, ужыванне, захоўванне і распаўсюджванне наркатычных сродкаў, крадзяжа асабістай маёмасці. 

Інспектар падрабязна адказаў на пытанні студэнтаў і даў карысныя парады, як трэба сябе паводзіць, каб не стаць ахвярай злачынства. 
Удзельнікі прававога сектара студэнцкага савета інтэрната правялі паўторнае навучанне ПУР і віктарыну «Ці ведаеш ты закон?».

2016-10-24

ЗНОЎ ДЭПРЭСІЯ?

Дык што ж такое дэпрэсія і як з ёй быць? Менавіта на гэтую тэму ў інтэрнаце па вул. Убарэвіча, 22, прайшоў трэнінг з педагогам-псіхолагам А. А.Самушчавай.

Усім удзельнікам трэнінга было расказана аб асноўных «прыкметах» дэпрэсіі і спосабах барацьбы з ёй. Было паказана некалькі цікавых практыкаванняў, якія змогуць вывесці чалавека са стану лёгкай апатыі і падняць настрой у такія шэрыя восеньскія дні.

2016-10-17

«Калі імя табе - Настаўнік»

Натхняльная сустрэча з ветэранамі педагагічнай працы прайшла ў інтэрнаце па вул.Убарэвіча, 22. Яркае афармленне залы, віншаванні, песні і вершы зрабілі сустрэчу яркім святам.

На вачах педагогаў-ветэранаў блішчалі слёзы радасці. Яны гутарылі са студэнтамі, успамінаючы гады сваёй працы, з вялікім задавальненнем адказвалі на пытанні студэнтаў. Усе прысутныя атрымалі каштоўныя парады з шырокай педагагічнай практыкі нашых гасцей. Сказанымі на дарогу словамі для будучых педагогаў завяршылася сустрэча: «Жыццё ў педагагічнай прафесіі - гэта нястомная праца душы, гэта - творчасць, гэта - вечнае выпрабаванне на мудрасць і цярпенне, прафесійнае майстэрства і чалавечую незвычайнасць».

2016-10-11