.

   КАФЕДРА ПРАФЕСІЙНАЙ ІНШАМОЎНАЙ ПАДРЫХТОЎКІ

Загадчык кафедры
Загадчык кафедры
Крыштоп Інэса Сяргееўна
кандыдат філалагічных навук, дацэнт

Падрабязная інфармацыя на афіцыйным сайце кафедры:pflt.barsu.by

Афіцыйны дзень нараджэння кафедры прафесійнай іншамоўнай падрыхтоўкі – 23 чэрвеня 2004 года, бо менавіта ў гэты дзень кафедра набыла статус структурнага падраздзялення ў складзе ўстановы адукацыі «Баранавіцкі дзяржаўны ўніверсітэт». На цяперашні  момант наша творчая група ўключае 24 супрацоўніка, у тым ліку і 1 выкладчыка з Рэспублікі Турцыя. Акрамя таго, на кафедры перыядычна выкладаюць прадстаўнікі ЗША, якія працуюць па праграмах “FulBright”. Кафедру ўзначальвае Інеса Сяргееўна Крыштоп, кандыдат філалагічных навук, якая прыняла эстафету кіраўніцтва ў 2018 годзе з рук яе папярэднікаў.

ПВС кафедры ажыццяўляе іншамоўную падрыхтоўку па эканамічных, псіхолага-педагагічных і тэхнічных спецыяльнасцях у адпаведнасці з міжнароднымі стандартамі. Сучаснае грамадства выказвае патрабаванні да маладых спецыялістаў з вышэйшай тэхнічнай, эканамічнай адукацыяй па валоданні замежнай мовай, што з’яўляецца дадатковым фактарам у развіцці міжнародных рынкавых адносін. Прафесійная іншамоўная падрыхтоўка будучых настаўнікаў англійскай мовы, спецыялістаў у сферы эканомікі і турызму, у педагагічнай сферы і сферы інжынерных тэхналогій, магістраў і аспірантаў ажыццяўляецца па 30 дысцыплінах, па дзённай і завочнай формах навучання.

Кафедра прафесійнай іншамоўнай падрыхтоўкі з’яўляецца выпускаючай кафедрай па трох дысцыплінах: «Замежная мова (англійская)», «Методыка выкладання замежнай мовы» і «Замежная мова (гутарковая мова)». Галоўная асаблівасць выкладчыкаў кафедры ПІП – маладосць, запал, творчы падыход да рэалізацыі пастаўленых мэт, укараненне інавацыйных тэхналогій у педагагічную дзейнасць, прафесіяналізм і імкненне да самаўдасканалення. У той жа час у калектыве ёсць вялікі навукова-педагагічны патэнцыял, супрацоўнікі маюць вопыт навучання ў аспірантуры і практыку замежных стажыровак у рамках сваіх навуковых даследаванняў, вопыт удзелу ў міжнародных навукова-практычных канферэнцыях у Рэспубліцы Беларусь і за мяжой.

Вялікая ўвага на кафедры надаецца навукова-даследчай працы са студэнтамі, якія неаднаразова былі лаўрэатамі і прызёрамі рэспубліканскіх конкурсаў навуковых прац студэнтаў, узнагароджваліся граматамі I, II і III ступені ўдзельніка міжнародных навукова-практычных канферэнцый, удзельніка Міжвузаўскага конкурсу па краязнаўстве. Кафедра вядома сваімі навуковымі гурткамі: «Logos» і «Метадычная майстэрня».

Пры кафедры функцыянуе філіял, створаны на базе ДУА «Ліцэй № 1 г. Баранавічы» ў 2010 годзе. Матэрыяльна-тэхнічная база філіяла кафедры выкарыстоўваецца ў адукацыйным працэсе пры правядзенні практычных заняткаў, практычнай падрыхтоўкі, навукова-даследчай працы студэнтаў. Кафедра ажыццяўляе таксама ўзаемадзеянне з базавымі арганізацыямі і рознымі арганізацыямі – заказчыкамі кадраў, што спрыяе практыкаарыентаванай падрыхтоўцы будучых спецыялістаў. Дзеля павышэння педагагічнага і метадычнага майстэрства выкладчыкаў і маладых спецыялістаў на кафедры штогод праводзяцца навукова-метадычныя семінары, інструкцыйна-метадычныя практыкумы, дзелавыя гульні, майстар-класы, круглыя сталы.

Для папулярызацыі замежных моў ПВС кафедры штогод праводзіць алімпіяду па замежных мовах, а таксама тыдзень замежных моў, у рамках якога выкладчыкі праводзяць навучальна-выхаваўчыя мерапрыемствы і дэманстрацыйныя заняткі па дысцыплінах кафедры.

Адрас:
вул.Паркавая, 62, 225401 г.Баранавічы, Брэсцкая вобл.
Заг. кафедры:
Крыштоп Інэса Сяргееўна
Тэлефон:
+375 163 48 74 02