Інтэрнат Убарэвіча, 22

Ведай не толькі свае правы, але і абавязкі

23 верасня ў інтэрнаце па вул.Убарэвіча, 22, адбылася сустрэча непаўналетніх студэнтаў з участковым інспектарам па справах непаўналетніх Баранавіцкага ГАУС К.В. Стахейка, якая правяла вельмі актуальную і карысную размову аб недапушчальнасці здзяйснення правапарушэнняў і належных паводзінах студэнтаў. Студэнтам растлумачаны некаторыя артыкулы адміністрацыйнага і крымінальнага кодэксаў Рэспублікі Беларусь. Прайшло навучанне студэнтаў асновам бяспекі жыццядзейнасці ў горадзе, паводзінам у канфліктнай сітуацыі.

2014-09-26

Ад безадказнасці да злачынства адзін крок

У інтэрнаце па вул.Убарэвіча, 22, прайшоў сход іншаземных студэнтаў з удзелам начальніка адзела выхаваўчай работы з моладдзю П.І. Папко і супрацоўнікаў праваахоўных органаў г. Баранавічы. На сустрэчы абмяркоўваліся пытанні аб правілах пражывання ў інтэрнаце і асновах заканадаўства Рэспублікі Беларусь.

2014-09-26

Першакурснікі пазнаёміліся са славутасцямі горада

16 верасня студэнты-старшакурснікі, якія пражываюць у інтэрнаце па вул. Убарэвіча, 22, правялі азнаямленчую экскурсію па г. Баранавічы для першакурснікаў. Студэнты ўбачылі Вечны агонь, фантан у цэнтры горада, помнік фатографу і іншыя славутасці горада. Вельмі ўразіў студэнтаў храм Святых Жонак-Міраносіц. Экскурсія пакінула шмат станоўчых эмоцый.

2014-09-24

«Ганарацца людзі горадам сваім»

«Ганарацца людзі горадам сваім» ― пад такой назвай у інтэрнаце па вул. Убарэвіча, 22, адбылася завочная тэматычная экскурсія для студэнтаў-першакурснікаў, якую правяла карэнная жыхарка г. Баранавічы М.У. Бондар. Яна расказала пра гісторыю ўзнікнення горада, а відэапрэзентацыя дапамагла ўбачыць сучасны горад.

2014-09-22

Сход жыхароў адбыўся ў інтэрнаце па вул. Убарэвіча, 22

Жыццё ў інтэрнаце па вул. Убарэвіча, 22, у новым навучальным годзе пачалося з сустрэч студэнтаў з начальнікам аддзела выхаваўчай работы з моладдзю і адміністрацыяй інтэрната, на якіх студэнты азнаёміліся з Правіламі ўнутранага распарадку ў студэнцкіх інтэрнатах, і загадам «Аб дадатковых мерах па прафілактыцы і спыненні курэння ва ўніверсітэце».

2014-09-22

Інтэрнат - наша хата

Інтэрнат універсітэта па вул.Убарэвіча, 22 стаў для многіх беларускіх, а таксама замежных студэнтаў другім домам. Кампанія па засяленні завяршылася, а студэнтаў чакае новае, самастойнае, цікавае і дынамічнае жыццё.

2014-09-05

Студэнцкі савет за кубкам гарбаты

Традыцыйна ў маі ў інтэрнаце па вул.Убарэвіча, 22, праводзіцца незвычайнае пасяджэнне студэнцкага савета, ганаровымі гасцямі якога з’яўляюцца выпускнікі.

У гэтым годзе іх было пяцёра: Юрчык Аляксандр - старшыня студэнцкага савета, Брынчук Яўгенія - сакратар, Макасюк Марына, Куцейка Вольга і Андрушкевіч Таццяна - старасты паверхаў інтэрната. Шмат добрых слоў было сказана ім у гэты вечар. Усе разам успомнілі смешныя моманты, яркія падзеі студэнцкага жыцця, удзельнічалі ў конкурсах і жартоўных спаборніцтвах.

СТУДЭНЦКІЯ ГАДЫ НЕ ЗАБУДУЦЦА! У ДОБРЫ ШЛЯХ, ДАРАГІЯ НАШЫ ВЫПУСКНІКІ!

2014-05-27

Піраміда здаровага харчавання ў сям'і

Вядома, што добрае харчаванне – залог добрага здароўя. Тэме правільнага харчавання было прысвечана мерапрыемства “Піраміда здаровага харчавання ў сям’і”, якое адбылося 24 красавіка ў інтэрнаце па вул. Убарэвіча, 22.

Студэнты атрымалі карысную інфармацыю аб правілах харчавання, пашырылі веды пра малочна-кіслыя прадукты і вітаміны. Даведаліся пра шкодныя харчовыя дабаўкі і атрымалі парады, як скараціць іх паступленне ў арганізм чалавека.
У пытаннях здаровага харчавання дапамаглі разабрацца прысутныя на мерапрыемстве “ўрач-дыетолаг”, “тэхнолаг прадпрыемства” і “ўрач-эксперт”, ролі якіх выконвалі студэнты актыва: Снітавец І., Занько Ю., Корзун В. і вядучая Марчанка Ю.

У якасці памяткі студэнтам балі прадстаўлены “чорны спіс” самых небяспечных і забароненых дабавак.

2014-05-02

«Пад грыфам “СМЯРОТНА”»

7 красавіка студэнты, якія пражываюць у інтэрнаце па вул.Убарэвіча , 22, прынялі актыўны ўдзел у ток-шоу «Пад грыфам “СМЯРОТНА”» ў рамках тэматычнагат ыдня "Спайс–вось вам і сп«АЙ!с».
Студэнты, прагледзеўшы фільм пра спайс, дзяліліся сваімі ўражаннямі і выказвалі свае меркаваннi па надзённай праблеме.

2014-04-11

Мы супраць наркотыкаў

У інтэрнаце па вул. Убарэвіча, 22, працягваецца тыдзень па прапагандзе здаровага ладу жыцця і прафілактыцы ўжывання наркатычных сродкаў сярод студэнцкай моладзі. 9 красавіка студэнты сустрэліся на адкрытай пляцоўцы для моладзі «Мы супраць наркотыкаў!» і абмеркавалі сітуацыю, у якой апынулася студэнтка з гомельскага ўніверсітэта, што трапіла ў наркатычны палон.

Нягледзячы на розныя меркаванні, усе прыйшлі да адзінай высновы: ад бяды могуць выратаваць толькі сапраўдныя сябры.

2014-04-11