.

Абласны адкрыты фестываль здаровага ладу жыцця «ЧАС ДЗЕЙНІЧАЦЬ!» пройдзе 12-13 красавіка

12-13 красавіка 2018 года на базе ўстановы адукацыі «Баранавіцкі дзяржаўны ўніверсітэт» адбудзецца абласны адкрыты фестываль здаровага ладу жыцця «Час дзейнічаць!», арганізаваны БарДУ сумесна з галоўным упраўленнем ідэалагічнай работы, культуры і па справах моладзі Брэсцкага аблвыканкама. 

Фестываль аб'яднае больш за 700 жыхароў Брэсцкага рэгіёна розных узростаў, якія збяруцца на дадзенай пляцоўцы сказаць шырокай грамадскасці «як гэта выдатна весці здаровы лад жыцця», а тым, хто не знаходзіць час схадзіць у спартзалу, басейн або проста зрабіць зарадку, — «самы час дзейнічаць!». 

Фестываль збірае педагагічную і навуковую грамадскасць. Заслужаныя спартыўныя і медыцынскія работнікі, практыкуючыя педагогі, трэнеры, навукоўцы, студэнцтва ў рамках навукова-метадычнай пляцоўкі прадставяць вынікі навуковых даследаванняў, абмяняюцца эмпірычным вопытам па паляпшэнні прафесійнай падрыхтоўкі навучэнцаў праз далучэнне да здаровага ладу жыцця. 

Спартсмены змогуць пазмагацца за прызы фестывалю ў першынствах па плаванні, армрэстлінгу, тэнісе настольным, дартсе, стрытболе. Майстар спорту міжнароднага класа, шматразовы чэмпіён Рэспублікі Беларусь, бронзавы прызёр чэмпіянату свету па армрэстлінгу Д.Г. Міхей правядзе майстар-клас.

Байцам моладзевых атрадаў аховы правапарадку трэба пераадолець «Сцежку выжывання».

Прафсаюзныя камітэты розных арганізацый пазмагаюцца за прызы ў рамках акцыі-спартландыі «Прафсаюз. Сям’я. Здароўе». 

Фестывальны рух, напоўнены акцыямі, квэстамі, адкрытымі мікрафонамі, латарэяй, завершыцца маштабным танцавальным рухам па дэвізам «Без алкаголю, тытуню весялосці можа быць спаўна!».

Абласны адкрыты фестываль здаровага ладу жыцця «ЧАС ДЗЕЙНІЧАЦЬ!» пройдзе 12-13 красавіка
2018-04-10